MERKEZÊ XEBERAN - Îran de cezaya zîndanî rejîsorû fîlmê 'Pastaya ke tewr zêde ci ra hes kena' (My Favourite Cake) Maryam Moghadam û Behtash Sanaeeha birna.

 

Îranê de eşkerayîya nê hewteyî yê 'Dadgeha Şorişî' de ame neqlkerdiş ke herdi rejîsorî semedê sûcdariyê 'Vilakerdişê zûran semedê acizkerdişê rayapêroyî' û 'tewrbîyayîşê berardişê bêedebtî' ameyê cezakerdiş.

 

Fîlm, qalê hîkayeya cinîyêka extiyare ya Tehranî keno ke xo kişf kena. Fîlm de semedo ke cinî sereyê xo nêtewênaya, selahîyetdaran nêrazîbîyayîş mojnayî ke eksê mîqyasê Îranî to.

 

Dadgeha Şorişê 14 aşmî cezaya taloqkerdişî û cezaya pere herdi rejîsoran rê birna. Eynî wextî de semedê sûcdarîya 'berardişê muhtewayê mustehcen' serrêke cezaya zîndanî birna ke semedê panc serrî ameya taloqkerdiş.

 

Merkezê Heqê Merdiman ke merkezê ci New York o (CHRI) qerar rexne kerd û va, "Hunermendê Îranî semedo ke bi rayîrê huner û azadîya fikrî heqê xo yê rexnekerde şuxilnayî bi sansur, tepiştişê keyfî û muhakemekerdişî dir rî bi rî yê."

 

Maryam Moghadam destpêkê serre de Ajansê Xeberan ê Fransayî (AFP) dir qisey kerdebî û vatibî, "Fîlmê ma qalê hîkayeya cuye ya rasteqîn keno ke deyîran vana, dans kena û keye de sereyê xo nêdana ro. Ma zî waşt nê çî bimojnê.”