MERKEZÊ XEBERAN - Tepişteya sîyasî Gulruh Îrayî mesajêk xo de qalê şexsê tepişteya sîyasî ya kurde Werîşe Muradî kerd û va: “Werîşe yew a cinîyan ra bî, gulanê rengûreng tutanê Kobanê hêrişê DAIŞ’î ra xelas kerd. Ma Werîşe Muradî ra xoverdayîş musayî.”

 

Tepişteya sîyasî Gulruh Îrayî ya ke zîndanê Evîne de, bi mesajêk qalê nasbîyayîşê xo yê tepişteya sîyasî ya kurde Werîşe Muradî kerd.

 

'Tutanê Kobanê hêrîşan ra xelas kerd'

 

Gulruh Îrayî mesajê xo de vana: “Werîşe Muradî yew ê cinîyan ra bî ke bi gulanê rengûreng tutanê Kobanê hêrişê çeteyanê DAIŞ’î ra xelasna. Werîşe rojê xo bi sloganê ‘Ey cuye, yan ez to dir nêciwîyena, yan zî ez o to bi azadîye bixemilînî’ dest pêkena.

 

Sewbîna Gulruh Îrayî mesajê xo de vata ke aye Werîşe Muradî ra xoverdayîş û pawitişî musaya.

 

Gulruh Îrayî dîyar kerd ke Werîşe Muradî badê panc aşmî hucreyê yewkesî de menda, aye derbazê beşê cinîyan ê zîndanê Evîne ameya kerdiş.

 

Erjê vatişî yo ke Werîşe Mûradî 1ê adara 2023ine Sine de ameye destbendkerdiş. Cezaya dardekerdişî ya Werîşe Mûradî ke roniştişê aye yê 16ê hezîran û 4ê teşrîna verêne 2024ine de ame vînayîş, bi fermî avûkatanê aye rê ameyo neqlkerdiş.