AMED - Roniştişê dewaya ke 15 kesî semedê sûcê "hetkarîya sûcdarî" de derheqê qirkerdişê Narîn Gûrane de yenê muhakemekerdiş, dest pêkerd.   

 

Roniştişê dewaya ke derheqê qetilkerdişê Narîn Gûran a 8 serrî ke 19 rojî badê vînîbîyayîşê aye 21ê tebaxa 2024ine de taxa Çûlî ya qezaya Rezanî ya Amedî de cenazeya aye amebî vînayîş, ame kerdiş. Roniştişê peyîn yê dewaya ke çarçewaya cipersayîşê diyîn de bi sûcê "hetkarîya sûcdarî" ame akerdiş û 15 kesî ci ra yenê muhakemekerdiş, 17ine Dadgeha Cezaya Asliye ya Amedî de dest pêkerd. 

 

Roniştişê dewa de yê tepişteyî dotmama aye Bîrsen Gûran, dedê aye Fuat Gûran, najnîya aye Maşallah Gûran, mêrdeyê xala aye Mehmet Şevket Kaya, dedzayê aye Muhammed Kaya û kedkarê Salim Gûran Mehmet Selîm Atasoy. Kesê ke nêameyê tepiştiş dotmama Narîne Şeyma Kaya, najnîya aye Hediye, dedê aye Îbrahîm Halîl, Bariş, Kurtuluş û Omer Faruk Gûran û 3 tutî yenê muhakemekerdiş. 

 

Roniştiş de xêrcê avûkat û merdimê kerdoxan destûr nêdayî tu kesê ke roniştiş taqîb bikerê û dest bi goşdarîkerdişê şahidan ame kerdiş.