WAN - Hale Çelebî ya ke Weqfê Stargehê Cinîyan ê Mor Çati de ca gêna, dîyar kerd ke hûmara stargehan kêmî ya û cinî xizmetê baş nêgînê. Hale Çelebî wina va: “Stargeh cayê kr cinî şîdetî ra dûr kewenê û hemverê şîdetî de têkoşînê xo xurt kenê yê.”

 

20ê nîsane 1990ine de Weqfê Stargehê Cinîyan ê Mor Çati bi amancê bale biancê şîdetê cinîyan ser, ame awankerdiş. Stargeh û merkezê paştdayîşî xebatê komelî yê xurtkerdişê cinîyan kenê. Pêwa paştdayîşî, hemverê şîdetî de têdikoşîn kenê, têduştîya cinsê komelî peymanê netewî û mîyanneteweyî taqîb kenê û kenê rapor.

 

Weqfê Stargehê Cinîyan ê Mor Çati Halebî, derheqê qelsîyê stargehan de qisey kerd.

 

‘Stargehan de xebatkarî kêmî yê’

 

Hale Çelebî dîyar kerd ke hûmara stargehan kêmî ya û kapasîteyê stargehan zî kêmî yê, pêwa nê xizmetî zî qîm nêkenê. Hale Çelebî wina va: “28 serrî yo ma komxebatê cinîyan de yenê têhet. Sazgehê ma tewr benê. Xebatkarê stargehan kêmî yê. Butçeyê semedê stargehan zaf kêmî yê. Tirkîya de nêzdîyê 150 stargehî est ê.

 

Hale Çelebî dîyar kerd ke bi eşkerayîya wezaretî xo resnenê hûmara kapasîteyê stargehan û wina va: “Hûmara stargehan bi hawayêko zelal nînê parekerdiş. Ma nêzanê ke hûmara yê newe yê yan nê. Her bajarî de stargeh çin ê. Hetê xoresnayîşê stargehan de problem est o. Xeylêk reyan bi sebebê tadîlatan stargehî yenê padayîş. Badê nînê akerdiş. Semedê nê zî ma eşkenê qalê nê bikerê. Stargehî raste rast cayê starbîyayîşî de nê, cayê ke cinî şîdetî ra dur kewenê û hemverê şîdetî de xo xurt kenê yê.”

 

‘Stargehê cinîyan de multecî problemê pîlî ciwîyenê’

 

Hale Çelebî tewr peyîn wina va: “Eynî wextî de ganî semedê cinîyanê astengdar û cinîyê ke emrê înan serê 65î de yo zî sererastkerdiş bêro kerdiş. Cinî xeylê xo muracatê polîs û qerekolan kenê. Tîya de helwestê înan bale anceno. Wazenê înan ancî peyser bişirawê mîyanê şîdetê keyeyî. Problemê cinîyanê multecîyan zêde yo. Stargehan de xizmetêk hîra çin o. Cinîyê ke tutê înan yê 12 serrî bibê, nînê qebûlkerdiş. Mecbûr manenê tutanê xo ra bivisyê. Yê ke nêvisyenê agêrenê mîyanê şîdetî. Ez tîya ancî reyke bîn vana, têkoşînê cinîyan dano ciwîyayîş. Ma têkoşînê xo dewam kenê.”