Pelşîn Çetînkaya  

  

AMED - Aktîvîsta TJA’yî Arzu Karaman derheqê pêvînayîşê çarçewaya kampanyaya "Diyalogê cuya azad a serekî dir" qisey kerd û dîyar kerd ke hewcedarîyê pêro şara bi azadîya fîzîkî ya Rayberê Şarê Kurdî Abdullah Ocalanî est o û va, 3yê Gulane sewîyeya global de sey "Roja Azadîya Serekî" îlan kerdê.

 

Têgêrayîşê Cinîyanê Kurdan ê Ewropayî (TJK-E), çarçewaya kampanya global ê "Abdullah Ocalanî rê azadî, meseleya kurdan rê çareserîya sîyasi", rojê vîyarte de startê kampanyaya "Diyalogê cuya azad a serekî dir" da. Çarçewaya na kampanyaye de Kurdistan, Tirkîya û Ewropa de cinî ameyî têhet û xeylêk bername pê ameyî. No zî 3yê Gulane de Amed de pê ame. Pêvînayîşê cinîyan de eşkerayî, şîîrî û sînevîzyon ameyî pêşkêşkerdiş.

 

Aktîvîsta TJA’yî Arzu Karaman derheqê pêvînayîşî de qisey kerd û va, do prosesê tarîxî de sey cinî wareyan xebatanê xo bikerê.

 

TJA’yî 3yê Gulane sey ‘Roja Azadîya Abdullah Ocalanî’ îlan kerd

 

Arzu Karaman dîyar kerd ke badê vengdayîşê Rayberê Şarê Kurdî Abdullah Ocalanî cinîyan semedê aştîye berpirsyarîyêk pîl girewtê û derheqê nê de xebate kerdê. Arzu Karaman wina va: “Ma bi rêxistinê cinîyan, pêameyê xo û dayîkê aştîye dir çend rojî hazirîyê na roje kerdêne. Na roje zî sey roja tarîxî cayê xo girewt. Ma 3yê Gulane ‘Roja azadîya’ Abdullah Ocalanî îlan kerd. Semedê pêro şaran ganî lezkî azadîya fîzîkî ya Abdullah Ocalanî pê bêro. Ganî semedê nê şertî bêrê awankerdiş. Ma zanê ke lazimîya hewcedarîya şaran bi aştî est a. Ganî nê semedî ra pêro kesî wayîrê nê vengdayîşî vejîyê. Abdullah Ocalan îmkanêk pîl pêşkêşê dinya keno.”

 

 

Rolê cinîyan pîl o

 

Arzu Karaman dîyar kerd ke nokteya polîtîk û ahlaqî ya komelî de rolê cinîyan pîl o û wina va: “Şer tewr zêde cinî û tutan hedef gêno. No zî aştî û demokratîkbîyayîşî parçe keno. Ma cinî hemverê nê hêrişan, qetilkerdişan vengê xo bi hawayêk rêxistinkerde berz bikerê. Hewcedarîyê ma bi aştî û demokrtîkbîyayîşî est o. Komelê demokratîkî ferz o û ganî pê bêro. No semedê pêro şaran lazim o. Serkêşîya komelê demokratîkî do cinî bikerê. Ma do xebatanê xo bikerê. Hewcedarîya pêro şaran bi azadîya fîzîkî ya Abdullah Ocalanî est a. Ma do bi hawayêk xurt wayîrê 3yê Gulane vejîyê.”