STENBOL - Endama Weqfa Aştîye Fatma Unsal derheqê eşkerayîya ke heqê hêvîye de dayî de qisey kerd û va: “Merdimê ke bi serran o tepişte yo û çarçewaya sûcê hemverê dewlete de ameyî vînayîş û heqê hêvîye ra feyde nêgînê, est ê. Na babete de sererastkerdişê qanûnî do semedê prosesê aştîye bi feyde bo.”

 

Bi amancê naskerdişê heqê hêvîye 46 rêxistinê komelê sivîlî û baroyan rojê vîyarte de eşkerayîyêke hempar dayî. Weqfê Aştîye zî metnê eşkerayîye îmza kerdibî. Weqf ra Fatma Unsal, derheqê eşkerayîye û heqê hêvîye de qisey kerd.

 

Citstandartî: Heqê hêvîye

 

Fatma Uysal dîyar kerd ke caardişê heqê hêvîye bi citstandartî pê yeno û va: “Cezakerdişan de cezaya muebetî bi amancê cezakerdişî yê seranserê dinya de nîno kerdiş, hedefê esasî bi komelî bêro qezenckerdişî yo. Semedê nê dimayê serran semedê merdim newe ra bi komelî bêro qezenckerdiş, ganî şert û mercî verê çiman de bêrê derbazkerdiş. La Tirkîya de no bica nîno. Bi taybetî sûcê hemverê dewlete de merdimî seranserê cuye de tepiştişê înan esas yeno girewtiş. Dergkerdişê ceza cezaya dardekerdişî ya. Sucê hemverê kesî beno sûcê hemverê dewlete û ganî citstandartî pê nêro û heqê hêvîye newe ra bikero rojeve. Dewlete sûcê hemverê xo kena çarçewaya terorî û no beno sebebê binpaykerdişê heqê merdiman.”

 

‘Heqê hêvîye ca bêro do binpaykerdişê heqan çareser bibê’

 

Fatma Uysal bale ant serê vengdayîşê ‘aştî û komelê demokratîkî’ yê Abdullah Ocalanî û va: “Heqê hêvîye tena Abdullah Ocalanî nê, bi hezaran tepişteyan eleqeder keno. Xeylêk merdimê ke cezaya muebetî girewtê est ê. Wexto ke heqê hêvîye pê bêro do sere de Birêz Ocalanî do binpaykerdişê heqan yê serê tepişteyan zî peynî bibo. Abdullah Ocalan û merdimê bînî yê feyde bigîrê.”

 

Xeylêk çîyê bêrê kerdiş est ê…

 

Fatma Unsal wina qedêna: “Ganî azadîya fikr û fehmî bêro temînkerdiş. Semedê aştîye ganî komîsyonêk bêro awankerdiş. Vejîyayîşê qanûnan muhîm o. Xeylêk çîyê bêrê kerdiş est o. Semedê na babete  bikewa rojeve komelê sivîlî û siyasetî ez na kome de ya. Ma serê babetê ke est ê çi bikerê qisey kenê û pêvînayîşan kenê.”