ANQARA - Heyetê DEM Partî seba ke Rayberê Şarê Kurdî Abdullah Ocalanî reyde pêvînayîş bikero, do şêro Îmrali. 

 

Heyetê Partîya Têduştî û Demokrasîyî ya Şaran (DEM Partî) Rayberê Şarê Kurdî Abdullah Ocalan reyde pêvînayîş bikero, do no hewte şêro Girawa Îmrali. Heyeto ke parlamenteranê DEM Partî Mîthat Sancar, Pervîn Buldan û avûkat Ozgur Erolî ra yeno pê, do kamcîn roje şêrê hema dîyar nîyo. La do mîyanê hewte de şêro.

 

Tewr peyên heyetê DEM Partî 25ê temmuze de şibi girawe û 3 saetan Rayberê Şarê Kurdî Abdullah Ocalan reyde pêvînayiş kerdbi. Heyet aşmêk ra pey do mîyanê nê hewteyî de vîyaro girawa Îmrali. 

 

Yeno pawitiş ke Abdullah Ocalan derheqê xebatanê komîsyon û prosesê çekveradayîşî de mesajê muhîmî bêrê dayîş.