AMED - Kitabê bi nameyê “Çîrokên Jinên di Zindanan de” ke 11 hîkayeyê cinîyanê tepiştiyan ê zîndanî pê yeno, roja 15ê teşrîna peyêne yê 2025ine ÇandAmedî de rojêka îmzayî dir reseno verê destê wendekaran. Çalakî bi beşdarîya cinîyê nuştoxan û sîyasetmedaran virazîyena.

 

Kitab bi kurdkî ame amadekerdiş û bi 112 rîpelan virazîyayo ke Weşanxaneyê Aramî ra ameyo çapkerdiş. Kitabî de hîkayeyê bi destê cinîyê tepiştiyan, binê şert û mercê giranan ê zîndanî de bi destnuşteyê înan ameyê nuştiş, est ê. Taybetmendîya tewr balkêş ê kitabî no yo ke cinîyê tepiştiyê pêwa heme zehmetîyan pîya xebatêke kerd û sey berardiş resnayî verê destê wendoxan.

 

Amadekarî û berardişê kitabî hetê rojnameger û nuştoxe Roza Metîna ra ame kerdiş. Edîtorîya ci zî hetê nuştoxe Enîse Şîrin û Roza Metîna ra pîya ame kerdiş. Kitab bi hemkarîyê Komîteya Cinîyan ê PENa Kurdî, MED-DER, Komeleya Wêjekaranê Kurd, Enstîtuya Kurdî ya Amedî, Federasyonê Komeleya Heq û Piştîdayîşê keyeyê Tepiştiyan û Hukumwerdoxan ê Amedî ame çapkerdiş.

 

Cinîyê ke hîkayeyê înan kitabî de ca girewtê: Besê Ozer “Şiyar”, Fatma Ozbay “Mirî Birîndar Nabin”, Xanim Yildirim “Xezal û Av”, Leyla Saraç “Zerya-Karwanê Meytan”, Medya Yaklav “Mişkê”, Melîke Kaya “Welatek”, Mizgîn Ronak “Çîroka Duyem”, Mulkiye Dogan “Hespê Hêvîyê”, Necla Yildiz “Rêwîtî” û Suheyla Taş “Ji Xwelîyê” kitabî de ameyî weşanayîş.

 

Roja îmzayî de nuştoxa ci Mizgîn Ronak û nuştoxe û hemsereka PENa Kurdî Rojbîn Perîşan, sîyasetmedare Saliha Aydeniz û Gulser Yildirim ra yeno îmzakerdiş. Moderatoreya nê bernameyî zî Roza Metîna kena.

 

Amadekaran pêro kitabhezan û cinîyan dawetê roja îmzayî kerd.

 

Bernameyê roja îmzayî:

 

- Tarîx: 15ê teşrîna peyêne ya 2025ine Şeme

 

- Saete: 14:00

 

- Ca: ÇandAmed (Merkezê Kulturî yê Sezaî Karakoç) Qatê 4ine