Evîn Çîftçî

 

RIHA - Dayîka Aştîye Adalet Çay da zanayîş ke semedê pêvînayîşê Rayberê PKK’yî Abdullah Ocalanî do muracatê Wezaretê Edaletî bikerê û va: “Bê Rayberê Şarê Kurdî Abdullah Ocalanî proses nêeşkeno bi ser bikewo. Ma do bi prosesî yan bi ser bikewê yan zî biqedîyê.”

 

Dayîkê Aştîye semedo ke azadîya fîzîkî ya Rayberê Şarê Kurd Abdullah Ocalanî bêro ca û sewbîna bi waştişê şîyayîşê Îmraliyî her bajarî de eşkerayîye dayî û vatî aştîyêka daîmî bi azadîye ca yena û vatî ê wazenê şêrê Îmraliyî û Abdullah Ocalan dir pêvînayîş bikerê. Yeno pawitiş ke Dayîkê Aştîye rojanê bêrê de muracatê Wezaretê Edaletî bikerê.

 

Dayîka Aştîye Adalet Çay ya ke eşkerayîya Rihayî de ca girewte derheqê waştişê pêvînayîş û muracatî de qisey kerd.

 

‘Ma do serekîya xo azad bikerê’

 

Adalet Çay dîyar kerd ke ê azadîya Rayberê Şarê Kurdî Abdullah Ocalanî wazenê û va: “Hema dewlete game nêeşta. Prosesêk ame destpêkerdiş, Abdullah Ocalan çi va şar û PKK’yî bica ard. Çekî ameyê veşnayîş. Labelê veng dewlete ra nêvejîyeno. Wa ê zî proses şarî rê qal bikerê û proses netîceyêka musbet bigîro. Ma azadîya serekîya xo wazenê. Ma her tim semedê aştîye têkoşîn kenê. Bêazadîya şarê kurdî aştî nîna bica. Ganî gamê zelalî bêrê eştiş. Komîsyonî raporêk amade kerd. Labelê rapor ziwanê aştîye nêhewênayîne. Ma hemverê nê raporî de yê. Proses biqedîyo ma do zî biqedîyê.”

 

‘Ma wazenê şêrê Îmraliyî’

 

Adalet Çay va ke ê wazenê şêrê Îmraliyî û Abdullah Ocalan dir pêvînayîş bikerê û va: “Rojanê vîyarte de ma venga Wezaretê Edaletî kerd. Ma eşkerayîye da. Ê ke vernîya nê şerî bigîrê dayîk ê. Ganî wezaret vernîya ma nêgîro. Ma wazenê şêrê derdê xo serekîye ra vajê. Ma semedê mîtîngê 4ê çeleyî veng danê. Ganî wayîrê mîtîngî bêro vejîyayîş. Ma waştişê aştîye newe ra reyna kenê. Dayîkan bedelê gird dayî. Azadî bi azadîya serekîya ma mumkin a. Ganî her kes wayîrê mitîngî vecîyo.”