MERKEZÊ XEBERAN - Tuto kurd Resûl Kidîweriyano 17 serre birayê xo yê girdî yê bi nameyê Riza Kidîweriyan rayîrşîyayîşê bajarê Kirmaşanî de bi guleyê raşt ê hêzanê leşkerî yê Îranî ameyî qetilkerdiş.

 

Goreyê agahîyanê ke medyaya dîjîtalî û herême ra ameyî girewtiş; roja 3ê Çeleyî Riza Kidîweriyan ê 20 serrî ke bajarokê Dîpînê yê girêdayeyê Kirmaşanî yo demê rayîrşîyayîşî de guleyê hêzanê rejîmê Îranî ameyî rijnayene û bi giranî birîndar bi. Dimayê çalîkîkeranê kurdî ra Riza Kidîweriyan birîndar bi ey berdî Nêweşxaneyê Taliqaniyî. Riza Kidîweriyan roja 4ê Çeleyî 2026ine de Nêweşxaneyê Taliqaniyî dinyaya xo bedelnaye.

 

3ê Çeleyî de birayê Riza Resûl Kidîweriyan ê ke emrê ey 17 serre bi zî rayîrşîyayîş de hetê hêzanê rejîmê Îranî ra amebi gulevarankerdiş û eynî cayê rayîrşîyayîşî de amebi qetilkerdiş.

 

Goreyê çimeyanê ke agahî dayî; di birayî demê çalakîya herêma Ertêş a taxa Ceiferava ya Kirmaşanî de hetê hêzanê rejîmê Îranî ra bi gule hedef ameyî girewtene. Dimayê gulevaranê hêzanê rejîmê Îranî birayo qij Resûl Kidîweriyan tutê 17 serre ca de ame qetilkerdiş. Birayo gird Riza Kidîweriyan zî bi giranî birîndar bi û ey benê nêweşxane. Riza Kidîweriyan zî rojêke dimayê nêweşxaneyî dinyaya xo bedelnayo.

 

Ame zanayene ke heta demo ke na xebere ameye parekerdiş zî cenazeya di kurdê serewedarotoxî zî keyeyan rê nêamebî girewtiş.