Nazlican Nujîn Yildiz

 

ÎZMÎR - Endama Înîsîyatîfê Cinîyan a “Hewcedarîya Mi Bi Aştîye Est a” ya Îzmîrî Hacer Yeşîlçay da zanayîş ke raporê partîyê sîyasî yê prosesî, nêzdîbîyayîşa înan ê hemverê prosesî mojneno û va: “Ganî proses bi zordarîyêk otorîter nêdomîyo û ma do hem aştîye hem zî têkoşînê hemverê otorîteyî pîya awan bikerê.”

 

Komîsyonê Wayê-Bira, Demokrasî û Piştdayîşê Mîllî dimayê ke pêro partîyê sîyasî raporê xo yê prosesî teslîm kerdî dima semedê raporê pêroyî binusê xebatanê xo di aşmê bînî derg kerd. Endama Înîsîyatîfê Cinîyan a “Hewcedarîya Mi Bi Aştîye Est a” ya Îzmîrî Hacer Yeşîlçay derheqê raporê prosesî yê partîyê sîyasî de qisey kerd û da zanayîş ke ganî îqtîdar derheqê prosesî de ziwanêko musbet û dîyalogî awan bikero.

 

‘Vernîya prosesî de astengê cidî est ê’

 

Hacer Yeşîlçay eşkera kerd ke fikrê partîyê îqtîdarî û serdestî û fikrê înan ê hemverê prosesê Aştî û Cimatê Demokratîkî cîya yo û va, sebebê muhtewayê raporê ke AKP, MHP û CHP’yî amede kerdê û dayê komîsyonî têkilîdarê fikrê înan ê hemverê prosesî yo. Hacer Yeşîlçay wina qal kerd: “Na rewşe binamekerdişê prosesî de zî zaf baş yena dîyayene. Problem tena raporê AKP’yî de yewîya neteweyî û wayê-biratîye nîyo. Destpêk ra çarçeweya Tirkîyaya bêteror de proses ame sînorkerdiş û vistî veradayîşê çekan. Verê raporê komîsyonî zî ma şahidê awankerdişê zemînêk wina bîyîne. Nê semedî ra zî rapor de canêgirewtişê heqê ziwanî, demokrasîyê herêmî, polîtîkayanê qeyûman û zaf babetanê bînan yenê famkerdiş. Vernîya prosesî de astengê cidî est ê.”

 

‘Ganî hêvî nêro vindîkerdiş’

 

Hacer Yeşîlçay dîyar kerd ke no proses zaf muhîm o û nê çîyî ard ziwan: “Ma proses û averşîyayîşê ameyê ciwîyayene muhîm vînenê. Raporê ke nêpêkerdişî est ê esasî de metnê sîyasî yê prosesî yê. Proses 1ê teşrîna verêne 2024ine ra domîyeno. Ganî bêro zanayene ke têkoşîn eynî demî de masaya muzakereyan ser o zî yeno kerdiş. Îqtîdaro ke proses Tirkîya ser o bêteror û yewîya mîllî sînor keno, DEM Partî û şarê kurdî hetê çareserîyêk daîmî de yê. Ganî fek helwestê bêhêvî ra bêro veradayîş.”

 

‘Ganî ziwanêko musbet dîyalogê pozîtîfî bêrê awankerdiş’

 

Hacer Yeşîlçay wina dergî daye qiseykerdişê xo: “Bi têkoşînê yewbîyayî proses eşkeno bireso armancê xo. Ganî verfekê blokê îqtîdarî fek vatişê ke proses kenê rîsk veradê. Ganî ziwanêko musbet dîyalogêko pozîtîf bêro awankerdiş. Otorîterbîyayîş û proses eynî demî de averşîyayîş problem o. Awanbîyayîşê komîsyonî muhîm bî. Labelê ma her tim vanê no qîm nêkeno. Çîyê ke zemînê aştî û cimatê demokratîkî awan keno awankerdişê têkoşînek ke aştîye paweno yo. No hema zî wina yo. Proses domîyeno. Ê ke wayîrê prosesî vecîyê ganî torê aştîye awan bikerê. Ganî kesanê ke derheqê prosesî de gumanan awan kenê dir munaqeşeyê îdeolojîk bêrê domnayene.”