Elfazî Toral

 

STENBOL - Meclîsa Cinîyan ê HDK’yî yê Stenbolî bi armancê ke keda cinîyan bêro dîyayene, koperatîfbîyayîş û berardişê pêroyî xurt bibo 11ê çeleyî de Stenbol de pêvînayîşê keda cinîyan virazeno. Verfeka Meclîsê Cinîyan a HDK’yî yê Stenbolî Dîdem Yilmaz derheqê babete de qisey kerd û da zanayîş ke pêvînayîş hetê têkoşînê cimatê demokratîk û azadîya ekonomî ya cinîyan de muhîm o.

 

Meclîsê Cinîyan ê Kongreya Demokratîkî yê Şaran (HDK) yê Stenbolî bi armancê ke keda cinîyan bêro dîyayene, koperatîfbîyayîş û berardişê pêroyî xurt bibo 11ê çeleyî de Stenbol de pêvînayîşê keda cinîyan viraşt. Pêvînayîş bi sloganê “Ma semedo ke keda cinîyan bêro dîyayene yenê têhet” do Salona Dawetî ya Denîz Yildizî ya Bahçelîevler de bêro viraştiş.

 

Verfeka Meclîsê Cinîyan ê HDK’yî ya Stenbolî Dîdem Yilmaz derheqê babete de qisey kerd.

 

Do zaf xebatê atolyeye bêrê kerdiş

 

Dîdem Yilmaz 14ine Heyetê Pêroyî yê bi sloganê “Bi cinîya rêxistinbîyaye ver bi cimatê demokratîk” ke Meclîsê Cinîyan ê HDK’yî yê Stenbolî 20ê êlule de viraşt yad kerd û va yew nuqteya tewr muhîm ê cimatê demokratîk a ya ke cinî cimat de rolê awankerdişî bigîrê. Dîdem Yilmaz derheqê pêvînayîşê cinîyan ke do bêro viraştiş de zî wina va: “Armancê ma cimatêko ke cinî eşkenê hetê ekonomî de keda xo hempar bikerê, têduştî qezenc bikerê û bi hawayêko têduşt tewrê babetanê cimatî bibê est o. Rayîrê nê azadîya cinîye ra derbas beno. Azadîya cinîye bêguman bi têkoşînê hemverê şîdetî pê yeno. Tîya de hetê ekonomî de azadîya cinîye babeta qiseykerdişî yo. Do zaf xebatê atolyeyî programê ma de bêrê kerdiş. Armancê nê o yo ke cinî berardişê xo nîşan bidê. Programê ma programê kede yo. Cinî do berardişê xo uca rafînê.”

 

Semedê pêvînayîşê cinîyan vengdayîş

 

Dîdem Yilmaz bale ant ser cimatê demokratîk û wina va: “Ma plan kenê ke cinîyan dir derheqê koperatîf, komunan û cimatê demokratîk û sewbîna hewcedarîya rêxistinbîyayîşî munaqeşe bikerê. Bêguman ewro de mesajê ma yê muhîm o yo ke cinî bêrê têhet, xo rêxistin bikerê û semedê nê zî şert û mercî bêrê awankerdiş. Çira ganî ma tewrê koperatîfan bibê? Çira ganî ma komunan awan bikerê? Derheqê nê de do munaqeşeyê ma bibê. Derheqê koperatîf û komunan de do agahdarkerdişê ma bibê. Do programêko weş bibo. Ma venga pêro hevalanê xo kenê ke nê pêvînayîşî de ca bigîrê.”

 

‘HDK do wezîfeyê xo bîyaro ca’

 

Dîdem Yilmaz dîyar kerd ke do ê do emser zî çarçeweya têkoşînê cinîyan de xebatanê xo bidomnê û va têkoşînê cinîyan roj bi roje gird beno. Dîdem Yilmaz bale ant serê prosesê aştî û cimatê demokratîkî û wina dewam kerd: “Ma bi bawerî û cesaret game eşt serra 2026ine. 2026ine de cinîyan rolê serkêşî yê prosesê aştî û cimatê demokratîkî girewtî xo ser. Cinî do bi pratîkê nê nîşan bidê. Kongreya Demokratîkî ya Şaran nê nuqteyî de bêguman semedê aştîya cimatî rol û wezîfeyê xo bîyaro ca. Do xebatanê xo bidomnê.”