MERKEZÊ XEBERAN- Heyetê sazgehanê Kurdîstanê Vakurî ke bi armancê piştîdayîşê Îdareyê Xoserî şîbî Kurdîstanê Rojavayî, zîyaretê xo temam kerdî û ewro agêra Vakurê Kurdîstanî.

 

Heyet 21ê çeleyî de vîyartbî Kurdîstanê Rojavayî. Heyetî de Hemsereka DEM Partî Tulay Hatîmogullarî, Hemserekê DBP’yî Keskîn Bayindir, Hemvervatoxê Însîyatîfa Yewîya Demokratîke Gulcan Kaçmaz, Verfeka Platformê Piştîdayîşê Sosyalîstî (SODAP) Kezban Konukçu, Verfeka Têgêrayîşê Cinîya Azade (TJA) Çîmen Fîdan, Dayîka Haştîye Asya Tay, Îdarekarê Komela Huqûqnasan a Azadîye (OHD) Mehmet Alî Aslan, Parlemanterê DEM Partî yê Mersînî Alî Bozan û Serekê Baroyê Mardînî Ahmed Duyanî ca girewt.

 

Heyetî Rojawanî de zîyaretê Partîya Yewîya Demokratîke (PYD), Kongra Star, Heyetê Kurdî û Daîreya Têkilîyanê Teberî ya Îdareyê Xoserî kerd û zaf hetan reyde pêvînayîşî kerdî.