STENBOL – Aktîvîsta TJA’yî Sebat Karul da zanayîş ke rayapêroyîya mîyanneteweyî ganî hemverê krîzê merdimayî yê Kobanê ke binê ablûqa de yo, vengê xo berz bikerê û mesajê ke hemverê îşxalkerdişî rêxistinbîyayîşê topyekun bibo, da.

 

Çeteyê HTŞ’yî 20ê çeleyî de hemverê Kobanê ablûqa da dest pêkerdiş û hema zî dewam kena. Ablûqa hemverê Kobanê pêwa peymana 29ê çeleyî de mabêne Hêzê Demokratîk a Sûriye (HSD) û HTŞ’yî de ameye kerdiş zî hema tu gamêka somut nêameya eştiş. Bi destpêkê hêrişan Tebqa, Reqa û Heleb ra xeylêk kesî koçê Kobanê kerdî û nifûsê bajarî 600 hezar derbas kerdo. Semedê ablûqakerdişê bajar de krîzê merdimayî roj bi roje giran beno.

 

Aktîvîsta Têgêrayîşê Cinîyanê Azadan (TJA) Sebat Karul derheqê ablûqaya Kobanê de qisey kerd.

 

‘Krîzê merdimayî dewam keno’

 

Sebat Karul eşkera kerd ke kordînasyonê sivîl ê Kobanê dir têkilî de yê û va, agahîyê ke bajarî ra yenê, vejeno orte ke krîzê merdimayî dewam keno. Sebat Karul wina ard ziwan: “Na tenya babeta hetkarîye nîya. Na babeta heqê cuyayîşî ya. Bi taybet ganî korîdorê weşîye bêro akerdiş. Ganî heme kesî nê çîyan bivînê û hemverê nê de vengê xo berz bikerê. Ablûqa hîra ya. Tut serdan ra dinyaya xo bedelnenê. Ganî rayapêroyîya mîyanneteweyî hemverê nê de bêveng nêmano.”

 

‘Tehdîdê leşkerî dewam keno’

 

Sebat Karul dîyar kerd ke ê babeta ke bi sazgehê cinîyan ê Kobanê dir piştîdayîş awan bikerê de zehmetîyan ancenê û wina ard ziwan: “Semedê piştîdayîşê teberî qîm nêkeno, piştîdayîşê sazgehî dir zî yenê astengkerdiş. Ameyîşê têhetî yê cinîyan hedef yeno girewtiş. Ganî her çar hetê Kurdistan û dîasporayî de vengêk xurt bêro berzkerdiş. Tehdîdê leşkerî yê Kobanê dewam keno.”

 

‘Ma mîrasê hêzî gênê’

 

Sebat Karul wina dergî da: “Peyser de cinî hemverê DAIŞ’î xoverdayîşêk xurt nîşan dayî. Tecrubeyê YPJ’yî nîşan da ke cinî wexto lazim bo senîn bi çekan canê xo pawenê. Nê semerî ra pawitişê nê mîrasî xeylêk muhîm o. Ma nê mîrasî ra hêz gênê. Ganî her kes hemverê hêrişan, ablûqaya Kobanê, hemverê mergê tutan empatî bikero, bi topyekun xo rêxistin bikero û vengê xo berz bikero.”