MÊRDÎN - Hetê TJA’yî ra Nisêbîn de semedê Ela Tane (15) ke taxa Dara ya qezaya Artûklû ya Mêrdînî de amebî kiştiş, tazîye ameye ronayîş û tazîye bi girseyî ameye zîyaretkerdiş.

 

Vizêrî Nisêbîn de semedê Ela Tana 15 serrî ke taxa Dara ya qezaya Artûklû ya Mêrdînî de bi gulevaran merde amebî dîyene, taziye ameye ronayîş. Tazîye hetê Têgêrayîşê Cinîyanê Azadan (TJA) ra Keyeyê Sersaxîye yê Danişmanî yo ke taxa Kişla de yo, ame ronayîş û zaf kesî şîyî zîyaretê tazîye.

 

Aktîvîsta TJA’yî Zelal Coşkune tazîye de qisey kerd û wina vat: "Çi heyf, semedê kiştişê hevala ma ya ciwane ya 15 serrî ma zaf xemgîn bîyî. Ma do nêverdê nê qirkerdişî bêceza bimanê û ma do heta peynî înan taqîb bikerê."

 

Zîyaret dimayê duayan peynî bi.