STENBOL - Verfeka Meclîsê Cinîyan ê DEM Partî Halîde Turkoglu, Konferansê Cinîyan ê Harêma Marmarayî de bal ant serê muhîmîya rêxistinbîyayîşê cinîyan.

 

Partîya Têduştî û Demokrasîyî yê Şaran (DEM Partî) vernîya kongreya xo ya pêroyî ya ke do aşma êlule de bêro viraştene, herêman de konferansan virazena. Na çarçewa de Heyetê Cinîyan ê DEM Partî bi sloganê, “Bi têkoşînê azadîya cinîyan ver bi cimatê demokratîkî” herêman de konferansan virazena. Konferansê Cinîyan ê Herêma Marmara Merkezê Kulturî yê Alî Emîrî yo ke qezaya Fatîhê Stenbolî de yo, ame viraştene.

 

Dimayê weçînayîşê endamanê dîwanî, qiseykerdişê akerdişî hetê Verfeka Meclîsê Cinîyan ê DEM Partî Halîde Turkoglu ra ame kerdene. Halîde Turkoglu bal ant serê muhîmîya rêxistinbîyayîşî û vat: "Ma senî şênê xo biresnê sewîyeyê tewr berz ê rêxistinbîyayîşî? Demo ma behsê taxan heta kuçeyan, keyan heta kargehan, erdî heta wareyê sîyasî, dezgehanê perwerdeyî heta merkezanê weşîye kenê, ma raştî de behsê rêxistinkerdişê pêro ciwîyayîşî kenê. Hêvî semedê vurîyayîşî hewcedarîyêka bingehîne ya."

 

Konferans semedê çapamenîye girewte dewam kerd.