RIHA - Birazîya Rayberê Şarê Kurdî Abdullah Ocalanî, Gulsum Ocalan derheqê 28ine serrgêra komploya mîyanneteweyî de qisey kerd û va: "Lazim o ke verê tecrîd bêro wedaritiş. Ma wazenê ke serekê ma bi hawayêk azad mîyanê ma de bibo."

 

28 serrî komployê 9ê teşrîna verêne yê mîyanneteweyî ke 9ê teşrîna verêne 1998ine de dest pêkerd û 15ê sibata 1999ine de bi tepiştişê Rayberê Şarê Kurdî Abdullah Ocalan peynî bi, vîyart. Tecrîdo ke her şi giranêr bi, dimayê pêvînayîşê têlefonê birayê ci Mehmet Ocalanî yê 25ê adare 2021ine de 43 aşmî pêvînayîş nêame kerdiş û tecrîd ame mendekerdiş. Dimayê vengdayîşê Devlet Bahçelî yê 22ê teşrîna verêne 2024ine de bi vengdayîşê "Aştî û Cimatê Demokratîkî" yê Rayberê Şarê Kurdî Abdullah Ocalanî yê 27ê sibata 2025ine de proses kewt sewîyeyêk newe, la tecrîdê Îmraliyî hema dewam keno.

 

Birazîya Rayberê Şarê Kurdî Abdullah Ocalanî, Gulsum Ocalan 28ine serrgêra komployî de ajansê ma rê qisey kerd.

 

'Ma tersayîne çike ma agahî ey ra nêgirewtêne'

 

Gulsum Ocalan va ke wexto ke komplo ame ciwîyayîş aye hema tute bîya û o dem wina va: "Nê prosesî de semedê rewşa serekî ters û endîşe estbî. Hem apê mi bi, hem zî Rayberê Şarê Kurdî bi. Nê semedî ra ma endîşedar bîyî. Çike ma agahîyêk ey ra nêgirewtêne. Ma çapemenîye ra agahdar bîyîne. Wexto ke serek şi, ma qijî bîyî. Ma zêde tu çî nêzanayîne. Babîyê mi her wext televîzyon akerdêne. Ma rewşa serekî babîyê xo ra persayîne. Ma wina agahdar bîyîne."

 

'Dîmenê îşkenceyî vîrê mi ra nêşinê'

 

Gulsum Ocalan ard ziwan ke serra ke komplo pê ame zordarîyê pîlî keyeyê aye ser o estbîyî û wina va: "Keyeyê mi ser o zordarîyê pîlî estbî. Keyeyê ma Edene de bî. eştî keyeyê ma ser. Her çî vila kerdî. Ma Îzmîr de verê keyeyêk de mendî. Şewêk erzîya keyeyî ser. Ma heme ameyî destbendkerdiş. Ez qije bîya. Watê, birayê mi heme ameyî destbendkerdiş. Babîyê mi 90 rojî binê îşkence de mend. Tu wext nê xo vîr ra nêkena. Demê destbendkerdişî de ez şîyîne lavaboyî. Polîsêk cinî ameye mi berd. Mi babîyê xo dî. Ez o dîmen tu wext xo vîr ra nêkena."

 

 

43 aşmî tecrîdo girankerde

 

Gulsum Ocalan bale ant 43 aşmî tecrîdê girankerde ser o û wina dewam kerd: "Tecrîdo giran ê 5 serrî ma endîşedar kerdêne. Avûkatan zî nêeşkayîne xo biresênê. Nê semedî ra endîşeyê ma zêde bîyî. Bi taybetî semedê wayê û birayê ci Fatma û Mehmet Ocalan no muhîm bi. 27 serrî yo tecrîd dewam keno."

 

 

'Pêwa prosesî tecrîd dewam keno'

 

Gulsum Ocalan wina qedêna: "Tecrîd meseleyê qalkerdişî yê pêwa prosesî dewam keno. Ne tena keye, şarê kurdî azadîya serekî wazeno. Lazim o ke no tecrîd bêro wedaritiş. Ma wazenê ke serek bi hawayêk azad mîyanê ma de bibo. Lazim o ke lezkî gamanê somutî bêrê eştiş, tecrîd bêro wedaritiş. Ma azadîya serekê xo wazenê."