Nazlican Nûjîn Yiidiz

 

WAN - Emîne Karta ke nawitgehê fotografan ê bi nameyê "Ardakalan" ke Qetlîamê 10ê teşrîna verêne yê Anqarayî kena babete, ercna û va ke antişê fotografan zî şekilê têkoşînî yo û va ke armancê nawitgehî no yo ke semedê ameyoxî vîrêk biverdêro.

 

Dimayê Qetlîamê 10ê teşrîna verêne 2015ine heta nika her 10ê aşme de yadkerdiş yenê kerdiş. Hunermenda antişê fotografan Emîne Karta ke yadkerdiş û prosesê dewaya qetlîamî fotograf ant û nawitgehê bi nameyê "Ardakalan" amade kerd û 11. serrgêra qetlîamê 10ê teşrîna verêne de akerd. Nawitgeho ke di rojan dewam kerd Galerîya Hunerî ya Ataturkî de ame akerdiş.

 

Emîne Kart derheqê nawitgehî de qisey kerd û va ke çîyanê ke bi vatîşî îfade nêkerdî bi fotografan vatî û wina va: "Antişê fotografan zî şekilê têkoşînî yo. Edebîyat yadkerdişanê qetlîamê 10ê teşrîna peyêne û prosesanê dadgehe ra pê yeno. Bi fikro ke nê vîrî biresînî ameyoxî, mi no nawitgeh amade kerd."

 

Çîyê ke roja qetlîamî ameyî ciwîyayîş

 

Emîne Kart va ke roja qetlîamî semedê antişê fotografan meydan de bî û wina va: "Demêk verê teqîyayîşî ez resaya meydan. Vengê dîyine ame. Her kes remayîne. Ez ver bi hedîse şîya. Mi fotograf ant. Mi vîdeo ant. Mi demêk derg fotograf ant û ez vejîyaya teber. Mi fotograf da hevalanê xo ke weşan bikerê. Dima zî mi têkoşînê keyeyan taqîb kerd, yadkerdiş û dadgehe taqîb kerd."

 

 

'Mi va wa no vîr semedê ameyoxî bêro neqlkerdiş'

 

Emîne Kart peynîya qiseykerdişê xo de va ke xebatanê bînan ra zî kitab, nawitgeh amade kerd û nê çî ard ziwan: "Semedê ke no vîr semedê ameyoxî bêro neqlkerdiş mi no nawitgeh akerd. Prosesê dadgehe zehmet bi. Keyeyan têkoşînêk pîl da. No 10 serrî yo yadkerdişan de verê keyeyê ma de yê. Mi nawitgehê xo yê 'Ardakalan' nê fotpgrafan ra amade kerd. Çîyanê ke mi nêeşka bi vatîş vajî, mi waşt bi fotografan vajî."