NAVENDA NÛÇEYAN - Jinên Afgan civîna ku li Dohayê ji aliyê NY'yê vê were lidarxistin û vexwendina Talîbanê şermezar kirin û diyar kirin ku ji bo pêşeroja xwe ew ê ferzkirinên Talîbanê qebûl nekin.

 

Komek jin duh li paytexta Afganîstan Kabîlê hatin cem hev, ji aliyê Neteweyên Yekbûyî (NY) ve ji bo civîna ku di hefteya yekem a meha Gulanê de li Dohaya paytexta Qatarê bê lidarxistin weke nûnertiya Afganistanê vexwendina Talîbanê protesto kirin. 

 

Di çalakiyê de jinan dirûşmên "Naskirina Talîbanê şerma cîhanê ye" û "Em bimirin jî  em ê li ber xwe bidin em ê mafên xwe bi dest bixin" berz kirin û destnîşan kirin ku Talîban ne hêja ye ku bibe nûnerê gelan. Afganîstanê di çalakiya xwe de. Jinên ku gotin, “Naskirina Talîbanê naskirina terorê ye” diyar kirin ku ew ferzkirina Talîbanê ya ji bo pêşeroja xwe qebûl nakin. Jinan her wiha nerazîbûn nîşanî rayedarên Neteweyên Yekbûyî dan ku Talîban weke karmendekî hikûmetê nîşan didin. 

 

Jinan bal kişandin ser wê yekê ku divê helwesta Neteweyên Yekbûyî ya li dijî polîtîkayên "dijmirovî û dijminane" yên Talîbanê yên li hemberî gelê Afganîstanê, bi taybetî jî li hemberî jinan, saxlem û zelal be, jinan bang kirin ku divê Talîban beşdarî civîna ku pêşeroj tê diyarkirin nebe.