AMED - Akademî û komeleyên çand û hunerê yên li Amedê xebatên xwe didomînin, li dijî neheqî û bêedaletiyê bang kirin û gotin: “Bêdeng nemînin.” 

 

Şanoya Bajar a Amedê, Akademiya Sînemaya Rojhilata Navîn, Akademiya Ma Musicê û saziyên girêdayî wê, Komeleya Çand, Huner û Wêjeyê ya Jinan (KASED), Komeleya Çand û Hunerê ya Dîcleyê têkildarî tayînkirina qeyûm a ser Şaredariya Colemêrgê daxuyanî dan. Di daxuyaniya li Komeleya Çand û Hunerê ya li Dîcleyê hat dayîn de ji şanogerên Şanoya Bajarê Mezin a Amedê Omer Şahîn axivî.

 

Di daxuyaniyê di wiha hat gotin: "Yekemîn berpirsyariya hunermendan ew e ku edaleta civakî, azadî û mafên mirovan parastin e. Lewma em binçavkirin û girtina Hevşaredarê Colermêrgê Mehmet Siddik Akiş û bi ser îradeya gelê Colemêrgê tayînkirina qeyûm wek neheqiyekî mezin dibînin.

 

Ji peywirê girtina hevşaredarê hilbijartî sepanekî dûrî demokratîkbûnê ye, li dijî îrade gel bêhurmetî ye. Huner parastvana herî mezin a îradeya azad û civaka serbixwe ye. Desthilat bi vî awayî zirarekî mezin dide pêvajoya demokratîk. Walîtiya Colemêrgê mafê xwepêşandan û meşan qedexe dike û hewl dide pêşî li bertekên demokratîk ên gel bigire. Di bingeha hunerê de vegotina azadiyê heye. Ne tenê ji bo hunermendan ev yek ji bo tevahiya civakê derbasdar e. Bi van qedexeyan mafên mirovan tên binpêkirin. Ji dûrxistina peywirê ya nûnerên gel ên hilbijartî aştiya civakî dixe talukeyê.

 

Berpirsyariya hunermend û saziyên hunerê ew e ku aştiya civakî û biparêzin. Rewşa li Colemêrgê rû daye daxwaza aştî û demokrasiyê ya gel dixe talukeyê. Em ê xwedî li îrade û keda xwe derbikevin. Em wek hunermendên li Amedê dijîn bang li hêzên demokratîk, gelê li ber xwe dide dikin; Li dijî neheqî û bêedaletiyê bêdeng nemînin.”