STENBOL -  Rêxistinên çapemeniyê dê cezayên girtîgehê yên li 8 rojnamegeran hatine birîn li Stenbol, Amed û Enqereyê ptotesto bikin. 

 

Di danişîna biryarê ya duh hatiye lidarxistin de nûçegihanên Ajansa Mezopotamyayê (MA) Dîren Yûrtserver, Berîvan Altan, Selman Guzelyuz, Hakan Yalçin, Emrûllah Acar, Ceylan Şahînlî, Zemo Aggoz û Denîz Nazlim; nûçegihanên JINNEWS’ê Habîbe Eren û Oznur Deger û stajyerê MA’yê yê berê Mehmet Gunhan hatin darizandin. Di danişînê de derbarê 8 rojnamegeran de cezayên girtîgehê hatin dayîn. 

 

Di danişîna biryarê ya li Dadgeha 4’emîn a Cezayê Giran a Enqereyê de hatiye lidarxistin derbarê Habîbe Eren, Ceylan Şahînlî û Mehmet Gunhan de biryara beraetê; derbarê Dîren Yûrtsever, Berîvan Altan, Selman Guzelyuz, Hakan Yalçin, Emrûllah Acar, Zemo Aggoz, Denîz Nazlim û Oznûr Degerê de jî 6 sal û 3 meh cezayên hefsê hatin birîn. 

 

Li dijî cezayên li rojnamegeran hatine birîn bertek didomin û dê li Amed, Stenbolê û Enqereyê ev ceza dê bi daxûyaniyan werin protestokirin. 

 

Di vê çarçoveyê de 6’ê tîrmehê bi pêşengiya Komeleya Rojnamegerên Jin ên Mezopotamyayê (MKG) û Komeleya Rojnemegeran a Dîcle Firatê (DFG)  dê saet di 17:30’an de li pêşiya avahiya DFG’ê daxuyaniya çapemeniyê were lidarxistin.  

 

Dîsa di 6’ê tîrmehê de Komeleya Rojnamegerên Jin a Mezopotamyayê (MKG), Sendîkaya Rojnamegeran a Tirkiyeyê (TGS), Sendîkaya Xebatkarên Çapemenî, Weşan û Matbaayê (DÎSK Basin-Îş), Komeleya Xebatên Medya û Hiqûqê (MLSA), Komeleya Rojnemegeran a Dîcle Firatê (DFG)  dê li Qada Şîşhaneya Beyoglûyê saet 18.00’an bi girseyî daxuyanî were dayîn.