AMED - Li Amedê hevşaredara Yenîşehîrê Safiye Akdag, Şertê Wekheviya Jin û Mêran a Ewropayê ya di Jiyana Herêmî de CEMR’ê îmze kir.

 

Li Şaredariya Yenîşehîrê ya ku yek ji şaredariyên navçeyên navendî ya Amedê ye, Şertê Wekheviya Jin û Mêr a Ewropayê ya di Jiyana Herêmî ya Konseya Şaredarî û Herêman a Ewropayê (CEMR) îmze kir. Xebatkarên şaredariyê jî beşdarî merasima îmzeyê ya ku bi beşdariya Hevşaredara Yenîşehîrê Safiye Akdag hat lidarxistin bûn.

 

Şertê ku ji bo rêveberiyên xwecihî û herêmî yên li Ewropayê ji bo wekheviyeke mezintir ji bo welatiyên xwe bi kar bînin û bi avakirina hevkariyê pêk bînin, soz dihewîne, piştî ku hat xwendin ji aliyê Hevşaredar Safiye Akdag ve hat îmzekirin. Di şert a ku Komîteya Siyasetê ya Konseya Şaredarî û Herêman a Ewropayê di sala 2006’an pejirandî de, di sala 2022’yan de guhertin çêkir. Aliyên ku şert îmze kirine hevbîr in ku her xebatek were kirin li ser 6 prensîbên bingehîn ên ku hatine diyarkirin pêk tê. Sernavên 6 prensîbên bingehîn ên şert wiha ne:

 

“*Wekheviya jin û mêr mafeke bingehîn e

 

* Ji bo ku wekheviya jin û mêr bê mîsogerkirin, pêwîst e cudakariya curbecur û hevbirî û şêweyên wê yên kêmderfet bên destgirtin.

 

* Beşdarbûna hevseng a jin û mêr di pêvajoyên biryardayînê de ji bo civakeke demokratîk şertê sereke ye.

 

* Ji bo mîsogerkirina wekheviya jin û mêr, ji holêrakirina qalibên zayendî xwedî girîngiyeke mezin e.

 

* Beşdarkirina lênêrîna zayendî ya civakê ya di hemû çalakiyên rêveberiyên xwecihî û herêmî de ji bo pêşvebirina wekheviya jin û mêr pêwîst e.

 

* Planên çalakiyê û bernameyên ku li gorî armancê bi şêweyekî guncaw hatine çêkirin û fînansekirin, ji bo pêşvebirina wekheviya jin û mêr, rêbazên bingehîn in.”