MERKEZÊ XEBERAN - Hêzanê Îranî Urmîye de mamostaya Kurde Forûzan Îslamî bêyî fermanê mehkeme destbend kerdî. Ame neqlkerdiş ke aqûbetê aye nîno zanayene.

 

Tora Heqan Merdiman ê Kurdistanî û çimeyê herêmî, derheqê destbendkerdişê cinîyêka kurde de agahîyî pare kerdî. Goreyê xebere, cinîya kurde ya bi nameyê Forûzan Îslamî ke mamostaya ziwanê Înglîzkî û berpirsîyara Akademîya Ziwanî ya “Newcewan” a bajarê Urmîye yê Rojhelatê Kurdistanî ya, hetê hêzanê asayîşî yê Îranî ve amîya destbendkerdiş û ver bi cayêko nêdîyar amîya berdene.

 

Ame dîyar kerdiş ke hêzanê asayîşî bêyî ke tewrê fermanê mehkeme bibo, eşt serê keyeyê Forûzan Îslamî û aye remnayî. Heta nika derheqê ca û rewşa weşîye aye de agahîyî nêameyî destfîstiş.

 

Ame dîyar kerdiş ke Forûzan Îslamî warê musayîşê ziwanê Înglîzkî de xebatê aktîfî domnayî û sey şexsîyetêke naskerdî ya kurde Urmîye de şênasîyena.