AMED - Ji bo parêzer Elîf Îpek Tîrenç Ulaş ku ji dosyaya Komeleya Jinan a Rosayê tê darizandin heta 15 salan cezayê hepsê hat xwestin.

 

7'emîn daneşîna doza endama Lijneya Rêveberiyê ya Komeleya Jinan a Rosayê Elîf Îpek Tîrenç Ulaş ku bi îdaya "endamtiya rêxistinê" jê tê darizandin li 8'emîn Dadgeha Cezayê Giran a Amedê hat dîtin. Li daneşînê Elîf û parêzerên xwe Gozde Ergîn û Oyku Çakmak amade bûn. 

 

Dozger ceza xwest

 

Di daneşîna ku heyet têde hat guhertin de makamê îdayê mutalaya xwe pêşkêşî dadgehê kir, îda kir ku Elîf sûcê tê gotin kiriye û derbarê Elîfê de ji 7 sal û 6 mehan heta 15 salan ceza xwest.

 

Parêzerên Elîfê dem xwestin. Heyeta dadgehê ya demkî jî doz taloqî 28'ê Sibata 2023'yan kir.