AMED - Meclîsê Ciwanan yê HDPyî yê Amedî pankartêko gird ke fotografê Leyla Guvene ser de bî û ‘Tecrîd bişiknê’ nuştebî serê pirê Ofîsî de daliqna.

 

Çalakîya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene dewam kena û her ke şono piştîdayîş zêde beno. Leylaye seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene 8ê Teşrîna Peyêne de Zindanê Amedî de kewtbî grevê vêşanîye yê bêdem û anêgêrayîşî. Leylaye badê ke ameye tehlîyekerdiş zî çalakîya xo keyeyê xo de dewam kena û çalakîya aye ewro kewte roja xo ya 81.

 

Meclîsê Ciwanan yê HDPyî yê Amedî pankartêko gird ke fotografê Leyla Guvene ser de bî û ‘Tecrîd bişiknê’ nuştebî serê pirê Ofîsî de daliqna. Meclîsê Ciwanan serê hesabê xo yê twitterî de wina va: “Meclîsê Ciwanan yê HDPyî yê Amedî seba xoverdayîşê Leyla Guvena ke roja 81. de dewam keno bi şîarê #TecritiParçala #Tecrîdî bişiknê pankart serê Pirê Ofîsî de daliqna.”