ENQERE - Meclîsê HDPyî û Heyetê Îdarekerê Merkezî yê HDPyî stratejîyê îdareyê mintiqayê bajarê rojawanî dîyar kerdî. HDP do Stenbol û Enqere zî mîyan de 7 şaredarîyê bajarê pîl de namzedan dîyar nêkero.

 

Partîya Demokratîke ya Şaran (HDP), dimayê kombîyayîşê Meclîsê Partî û Heyetê Îdarekerîyê Merkezî, Merkezê Pêroyî yê Partî de kerdî. Derheqê stratejîyê weçînayîşê mintiqa de qerar dayî.

 

HDPyî de kombîyayîş de qerar da ke seba şaredarîyê Bajarê Pîl yê sey Dîlok, Riha, Edene, Enqere, Mêrsîn, Îzmir û Stenbol de do namzed dîyar nêkero. HDPyî bajarê ke namzed dîyar nêkerd, do qezayanê înan de namzedan dîyar bikero. HDPyî qezaya Merkezê Akdenîzê Mêrsînî, qezaya Merkezê Şîşlîyê Stenbol û bajarê bîn ke HDPyî uca de hêzdar ê do namzedan ramojno. HDP do qezaya Konya de zî namzed ramojno. HDP do Şaredarîya Bajarê Gird ya Konya de qezayê Cihanbeylî û Kûlû zî namzed ramojno. HDP do bajarê Aydin, Mugla, Balikesir, Manisa û xeylê bajarê bîn zî hewl bido namzedanê vejo. HDP do derheqê nê bajaran de rojê ameyox de qerarê xo eşkera bikero.