MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene, roja 160ine de dewam keno.

 

Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, grev roja 160ine de dewam keno.

 

Mexmûr de çalakî roja 139ine de ya

 

Sewbîna Wargehê Şehîd Rustem Cûdî (Mexmûr) de hemverê tecrîda Îmraliyî bi rayberîya cinîyan de 18ê Kanûne de çalakîya grevê vêşanîye dest pêkerdibi. Çalakî Merkezê Meclîsê Keyeyê Şehîdan de roja 139ine dewam kena.

 

Yunanîstan de çalakî roja 122ine de ya

 

Heto bîn ra Kampa Lavrîo de zî hemverê tecrîdê serê Rayberê PKKyî Abdullah Ocalan û bi amancê paştdayîşê çalakîya zîndanan çalakîya grevê vêşanîye amebî destpêkerdene. Çalakî roja 122ine de dewam kena. Çalakî bi rayberîya Tevgerê Cinîyê Kurdistanî yê Ewropa, Merkezê Kulturî ya Kurdistan û Tevgerê Ciwanê Şorişgêr (TCŞ) de dewam kena.