ANQARA - Îsmaîl K.yo ke Keçioren de ciwîyeno cinîya bi nameyê Hacer K.ye bi kardî qetil kerd.

 

Qezaya Keçiorenî ya Anqara de cinîya bi nameyê Hacer K.ye hetê Îsmaîl K.yo ke aye reyde munaqaşa kerd ra bi kardî ameye qetilkerdi. Bado ke cîranî vengan eşnawit xebere dayî. Ekîbê weşîye bi hawayêko giran Hacere wedarit nêweşxane la Hacera ke bi giranî birîndar bibî dinyaya xo bedilna. 

 

Kiştox hewl da ke cayê qewimîyayîşî ra biremo la ame tepiştiş.

 

Ame zanayîş ke cenazeya Hacere seba otopsî wedarîyaya Dezgehê Tibê Edlî yê Keçîorenî.