AMED - Serê qetilkerdişê Nagîhan Akarsel ra 2 serrî derbaz bî. Embazê Nagîhane qalê aye kerdî û dîyar kerdî ke Nagîhane seranserê cuya xo de hemverê sîstemê serdestî yê camêrdan bi armancê modelê cuya azadî ya seba cinîyan awan bikero, têkoşîn daya û seba nê zî hetê sîstemî ra hedef ameya girewtiş. 

 

Nagîhana ke cinîyan awankerdişê wareyê azadî xo rê kerd armanc bi xeylêk proje û xeyalan cuya xo dewam kerd.

 

Nuştoxe Fatma Îzol û heyetê weşanê Kovara Jîneolojî Derya Aydin derheqê terzê xebate, xeyalê Nagîhane de qisey kerd.

 

‘Kedêke aye ya pîl est bî’

 

Derya dîyar kerd ke vatişê Nagîhane seba aye qet asan nîyo û wina vat: “Ez Nagîhane dir têreyde nêciwîyaya la ma pîya heyetê weşanî de şuxilyayî. La tewrbîyayîşê xebatan de, hevaltîya ke awan kerd kedêk zaf muhîm bî û kolektîf da werte.

 

Çîyo ke bala mi ant, raşteyêk xoser de cinîyêke berardiş kerdêne bî. Eynî wextî de zî kokektîf bî. Ez nê ser de xeylê fikrîyaya. 

     

‘Pêro xebatê derheqê azadîya cinî de ca girewte’

 

Derya da zanayîş ke Nagîhane seranserê cuya xo de seba armancê xo ercnayîş kerda û wina vat: “Nagîhane xelasîya cinî bi wendiş û nêzdîbîyayîşê azadîwaştox mumkin dîne. Şîyayîşê Nagîhane yê Şingalî, yê Rojawanî û Silêmanî zî bi nê armancî bî. Vatêne eke azadî bêro awankerdiş, ganî waştişê cinîyan û vengê cinîyan verê çiman de bêro girewtiş. Seba nê zî bi sloganê ‘jin jiyan azadî’  fehmê azadî de ca dî. Çar parçeyê Kurdistanî de têkoşînê cinîyan xeyal kerdêne. Armanca aye yê esas no bî ke azadiya cinî bikero formê cuye. Nagîhane seba Jineolojî zî seba pêro cinîyanê kurdan û dinya cinîyêke wina azade bî.”

 

‘Ahlaqê rojnamegerî yê Nagîhane bale hemine antibî’

 

Fatma Îzol zî da zanayîş ke Anqara de Nagîhane nas kerda û sey rojnamegere Nagîhane uca de nas kerda û wina vat: “Mi prensîbê aye yê rojnamegerîye zaf eciband. Nagîhane zanayîne ke sîstemê zîhnîyetê serdestî hetê cinîyan de projeyêk newe nîyo û nê semedî ra Nagîhane şîne verê înan û problemê înan goşdarî kerdêne û derheqê nê de xebere viraştêne. Mi Anqara de Nagîhane nas kerd. Mi mamostetî kerdêne. Mi o wext sendîkawanî zî kerdêne. Nagîhane sey rojnamegerêke ma dir kewte dîyalog. Nagîhane embazêke ma ya zaf etîk şuxilîyayîne bî. Xebatê rojnamegerîye etîk kerdêne. Nagîhane zaf bi erj bî. Ma zaf bi erc vînayîne. Etîk, durust û ahlaqî sîyaset de ca girewtêne.  Rojnamegerîya sîyasetî kerdêne.”

 

'Do projeyê Nagîhane rê wayîr bêro vejîyayîş’

 

Fatma wina qedêna: “Nagîhane mesajê ‘Ez stûnê na asîmane ya. Ez stûna nê dinya û nê gerdûnî ya’ daya pêro cinîyan. No mesaj bêters daya pêro cinîyan. Seba na xebate ma sipasîyê xo kenê. Bêşik nê xebatê zerrî bi mergê aye nêvindertî. Do wayîrê projeyê aye bêro vejîyayîş. Ez aye pîroz kena û yad kena.”