STENBOL - Avûkatanê Buroyê Huqûqî yê Asrînî seba pêvînayîşê bi miwekîlê xo Rayberê PKKyî Abdullah Ocalanî ke 32 aşmî yo tu xebere nîna girewtiş, muracatê Serdozgerîya Komare ya Bursayî û Mudûrîyê Zîndanî Îmraliyî kerd.

 

Avûkatanê Buroyê Huqûqî yê Seserre ra Îbrahîm Bîlmez, Raziye Ozturk, Cengîz Yureklî û Emran Emekçî semedê pêvînayîşê bi Rayberê PKKyî Abdullah Ocalan ke Zîndanê Qefilnayeyê Tîpê Fyî bi Asayîşê Berzî yê Îmraliyî de yeno tepiştiş, Serdozgeriya Komare ya Bursayî û Midûrîyê Zîndanê Îmralî muracat kerd. Heto bîn ra avûkatan, seba pêvînayîşê bi Omer Hayrî Konar, Hamîlî Yildirim û Veysî Aktaş zî hem muracatê dozgerî û hem zî midûrîyê zîndanî kerdî. 

 

Pêvînayîşî yenê astengkerdiş

 

Heqê pêvînayîşî yê Abdullah Ocalanî bi keye û avûkatan reyde bi sebebê “cezayê disiplînî” yenê astengkerdiş. Mabêne serrê 2021-2023ine de her yew ci semedê 3 aşman tewr tay 5 cezayê disiplînî Abdullah Ocalan û tepişteyanê bînan rê ameyî birnayîş û heqê înan ê pêvînayîşî ame astengkerdiş. 

 

Pêwa heme muracat û îtîrazan zî sebebê nê cezayê disiplînî û hûmara dosyayan bi avûkatan reyde nîno parekerdiş. 

 

Netîceyê muracatê avûkatanê Buroyê Huqûqî yê Seserre ya semedê Dadgeriya Înfazî ya Bursayî de dadgerîye da zanayîş ke 18ê tebaxa 2021ine de semedê 3 aşman, 3yê sibata 2022ine de semedê 3 aşman, 31ê gulana 2022ine de semedê 3 aşman û 9ê êlule 2022ine de zî semedê 3 aşman cezaya disiplînî ameya birnayîş. 

 

Avûkatan 10ê temmuze 2023ine de muracat kerd û dadgerî 19ê temmuze de cewab da avûkatan. Dadgerî, vera ke tarîxê ci dîyar bikero vat ke cezaya disiplînî yê semedê 3 aşman ameya birnayîş. Avûkatan tewr peyîn zî 10ê teşrîna verêne 2023ine de muracatê dadgerî kerdî. Semedê pêvînayîşê bi keyeyan reyde muracatê Dadgeriya Înfazî ya Bursayî ame kerdiş û dadgehe 13ê teşrîna verêne de cewab da muracat. Dadgehe vat ke cezayêke newe ya disiplînî Abdullah Ocalan û tepişteyanê bînan rê ameya birnayîş. 

 

Dadgerî, sebebê parenêkerdişê hûmara dosyaya cezaya disiplînî zî seke “do serê çapemenî de bêro parekerdiş” mojna.