COLEMÊRG - Colemêrg de semedê varayîşê vewra zêde rayîrê 34 dewan û mezrayan padîya.  

 

Colemêrg de bi 2 rojî yo vewre varena. Semedê varayîşê vewra zêde varîya, aşût kewt serê tunelê rayîrê Colemêrg û Çelê. Sewbîna semedê varayîşê zêde yê vewre rayîrê 3 dewe û 13 dewikê merkezê Colemêrgî, 3 dewî û 15 mezrayê Geverî ameyî padayîş. 

 

Qeyûman semedê akerdişê rayîran xebate nêkerdê

 

Tîmê girêdayeyê Îdareyê Bajarî yê Taybetî semedê varayîşê vewre ra rayîrê xebate kerdî labelê ame dîyarkerdiî ke şaredariyê Colemêrgî û Geverî yê binê îdarekarîya qeyûmî de, semedê akerdişê rayîran xebate nêkerdê.

 

Ame zanayîş ke semedê vewra serê rayîrê TOKÎyê Pîzokî nêameyo pakkerdiş, qeşa virazîyayo û welatî rayîr ra şîyayîşî de astengî ancenê. Ame diyarkerdiş ke servîsê bajarî zî semedê qeşayî virazîyayo nêeşkenê raywanan berê û bîyarê. 

 

Goreyê îqazkerdişê meteorolojî do Colemêrgî varayîşê vewre heta roja dişeme dewam bikero. Yeno pawitiş ke germbîyayîşê hewa zî do 11 dereceyan bikewo binê sifirî.