MERKEZÊ XEBERAN - Çarçewaya kampanyaya îmzayan ê ke TJK-Eyî hemverê tecrîdê Îmraliyî dayî destpêkerdiş de, Meclîsê Cinîyan ê Sêvê yê Bremenî mektube CPTyî rê şirawitî.

 

Têgêrayîşê Cinîyanê Kurdan ê Ewropayî (TJK-E) hemverê tecrîdê Îmraliyî de kampanyaya şirawitişê mektuban ê CPTyî dayî destpêkerdiş. Çarçewaya kampanyaya TJK-Eyî de, Meclîsê Cinîyan ê bajarê Bremenî yê Elmanyayî, 290 mektubî CPTyî rê şirawitî.

 

Meclîsê Cinîyan ê Sêvê yê Brmenî eşkerayîyêke da û vat: “Rayberê Şarê Kurdî Birêz Abdullah Ocalan 25 serrî yo Zîndanê Padaye yê Tîpê Fyî yê Îmraliyî de binê tecrîdî de yeno tepiştiş. Bi 3 serrî yo tu agahî Rayberê Şarê Kurdî ra nîna girewtiş. Pêwa pêro muracatan zî pêvînayîşê bi keye û avûkatan reyde pê nîno. CPT tecrîdê Îmraliyî nêvîneno. Pêwa ke CPTî Çeleyê 2024ine de şîyo Tirkîya, neql kerdo ke serdayîşê Îmraliyî nêkerdo. Derheqê serdayîşê xo yê vernîya nê Îmraliyê kerdo de, çîyêk nêvano. CPT çi nimineno? Ma cinî tecrîdê Îmraliyî qebûl nêkenê. Coka ma venga CPTî kenê ke goreyê prensîbê xo yê awankerdişî tê bigêrê.”