MÊRSÎN - Rêxistina DEM Partîye ya Mêrsînî venga pêro kesê ke polîtîkayê îqtîdarî nêrazîyê û wayîrê heq û keda xo vejîyenê kerd ke biherîkîyê raşteyê 1ê Gulane. 

 

Rêxistina Partiya Têduştîye û Demokrasî yê Şaran (DEM Partî) a Mêrsînî derheqê pîrozbayîyê 1ê Gulane awanîya partîye eşkerayîye da. Hemsereka Bajarî Bedriye Kuş eşkeeayîye de vat ke krîzê ekonomî tehlukeyûk pîl o serê cuya şarî de û vat ke rewşêke wina de 1ê Gulane pêşwazî kenê. 

 

Bedrîye, venga şarî kerd û vat: “Şarê ma weçînayîşan de bi îqtîdarî pîl da vînîkerdiş. Ganî ma nê hêzî açarnê raşteyê 1ê Gulane. Ma do pêwa pêro hêzê ked û demokrasî raşteyan de bê. Seba vurnayîşê nê sîstemî şerî ê feqîrî awan keno; ma venga her kesê wayîrê cuye, heq û keda xo vejenê kenê ke seba têkoşînê yewbîyaye yê hemverê faşîzmî biherikîyê raşteyê 1ê Gulane.” 

 

Dimayê eşkerayîye zî merkezê bajarî de vilawika 1ê Gulane ameyî vilakerdiş.