MERKEZÊ XEBERAN - Çalakîkerê heqê cinîyan Werîşe Muradî û Pexşan Ezîzî ke bi 9 aşmî yo hetê hêzê rejîmê Îranî ra ameyî tepiştiş, hemverê vurnayîşê Werîşe ya seba zîndanê Îtlaetî dest bi grevê vêşanîye kerdî.

 

Torra Heqê Merdiman ê Kurdistanî neql kerd ke roja 14ê Gulane çalakîkerê heqê cinîyan û Endama KJARî Werîşe Muradî ke destpêkê Tebaxa 2023ine de amebî tepiştiş, bi fermana dadwerî zîndanê cinîyan ra ame vurnayîş, seba zîndanê hûmara 209 ê ser bi wezaretê Îtlaetî. Ame vatiş ke Werîşe Muradî seba nê dest bi grevê vêşanîye kerd.

 

Sewbîna çalakîkera heqê cinîyan  Pexşan Ezîzî ke aye zî eynî zîndanê ke Werîşe ci de mendêne, hemverê vurnayîşê Werîşe Muradî ya seba zîndanê Îtaletê dest bi grevê vêşanîye kerd.

 

Werîşe Muradî 1ê Tebaxa 2023ine de nêzdîyê bajarê Sine û Pexşan Ezîzî zî 3yê Tebaxa 2023ine de Tehran de amebî tepiştiş. Dimayê 5 aşman cigêrayîş û cipersayîşê ke merkezê Îtlaetî de amebî vurnayîş, seba zîndanê cinîyan ê Evîne yê Tehranî. Pêwa 9 aşmî serê tepiştişê înan reyde derbaz bi zî heta nika nêameyê muhakemekerdiş.