AMED - Şewatê vizêr şan de mabêne qezayanê Çinarî û Şemrexî de rî da, ame tefênayîş û herême de xebatê serdkerdişî dewam kenê. Bi hezaran donim erazî veşa. 

 

Vizêr şan de semedê çikê têlê ceyranî rijyayî, dewanê Çinarî yê Amedî û qezaya Şemrexî ya Mêrdînî de şewatêk pîl vejîya. Şewatê dewa Tobiniyî ya Çinarî de dest pêkerd û dewanê Têznê, Hatdirînê, Reşan, Dêrê, Kelekê, Herberê û Bexcayî ke girêdayeyê Şemrexî yê vila bî û heta ver Awbendê Goksuyî dewam kerd. 

 

Heywan û merdimî dinyaya xo bedelnayî, dar, ber û zîyan veşayî. Ewilî dewijan û dima ra tîmê îtfaîye yê şaredarîyê DEM Partî mudaxileyê şewatî kerdî. Vayî reyde şewat lez herême de vila bi û tewr tay 10 hezar donim erazî rê vila bî. Dimayê mudaxaleyî şewat ame tefênayîş. Xebatê serdkerdişî herêma şewatî de dewam kenê. 

 

Sewbîna temamê şewe de vengdayîşê semedê mudaxeleyê hewayî dewam kerd. La ame vînayîş ke helîkopteran mudaxeleyê şewatî nêkerd, mabêne her di dewan de dimayê saete 05.00ine şewat qediya helîkopterî newe şi Awbendê Goksuyî ra awe ard û rijna.

 

Kesê ke semedê şewatî birîndar bîyî, nêweşxaneyê Amed, Mêrdîn û Rihayî de yenê dermankerdiş. 

 

Heywanê ke şewat de merdê û birîndar bîyê eraziyê dewa Tobini û Kelekî de vindarnayeyê. 

 

Ame zanayîş ke bi des hezaran ton genim û zîyanê garisî yê dewijan veşa yê û xesar vînayê. 

 

Sendîkayê Kedkarê Weşîye û Xizmetê Komelî (SES) Şubeyê Amedî agahîyê ke kewtê destê ci eşkera kerd. Bîlançoyî de derheqê rewşa hîn welatijê ke taxê Herbere, Tobinî, Şorşîp, Qerxeta û Şemrexî Kelekê yê Çinarî de agahî ameyî girewtiş.

 

Nameyê hîn welatijê ke dinyaya xo bedelnayî wina yê:

 

Kelekê

 

Birîndar: Talîha Demîr (bi giranî birîndar o), Fadil Demîr (bi giranî birîndar o), Hogir Demîr (bi giranî birîndar o), Remzî Yilmaz (bi giranî birîndar o), Sînan Devîren (bi giranî birîndar o), Azad Yilmaz (bi giranî birîndar o), Nûrî Demîr (bi giranî birîndar o) û Abdulrezak Demîr (bi giranî birîndar o).

Kesê ke dinyaya xo bedelnayî: Hasan Demîr, Resul Yilmaz, Şeyhmus Demîr û Mezher Demîr.

 

Herbere

 

Birîndar: Kerîme Erdemlî (bi giranî birîndar a), Zekiye Erdemlî (bi giranî birîndar a).

Keso ke dinyaya xo bedelna: Îsmaîl Yardimci.

 

Tobinî

 

Birîndar: Ubeydullah Bugdayci (bi giranî birîndar o) û 10 kesê birîndar yê ke nameyê înan nêame zanayîş. 

Keso ke dinyaya xo bedelna: Abdurrahman Bugdayci.

 

Şorşîp 

 

Birîndar: Mahsum Tunç

 

Qerxeta

 

Birîndarî est ê la hûmare û name nînê zanayîş. 

 

Hemşaredarî şî herême 

 

Hemşaredara Bajarê ya Amedî Ayşe Serra Bûcak û Dogan Hatûn şîyî herêma şewatî û dimayê cigêrayîşan şîyî serdayîşê birîndarê ke nêweşxaneyî de tedawîya înan dewam kena.