MERKEZÊ XEBERAN - Cenazeya Zeynep Ozkane Basa de, yê Şakîr Erdemcî zî Toroslarî de ameye definkerdiş. 

 

Endama YJA-STARî Zeynep Ozkane  Basa de û cenazeya endamê HPGyî Şakîr Erdemcî zî Goristanê Guneykentî yê Mêrsînî de ablûqayê polîsan de ameye definkerdiş.

 

Şirnex

 

Endama YJA-STARî Zeynep Ozkan, 18ê hezîrane de şerê koyê Mawa yê qezaya Heskîfa ya Êlihî de dinyaya xo bedelnabî. Keyeyî vizêr cenazeya kênaya xo teşhîs kerd û Nêweşxaneyê Perwerdeyî û Cigêrayîşî yê Êlihî ra girewt û berdî dewa Banayî ya girêdayeyê qezaya Basayî ya Şirnexî. Îdarekarê MEBYA-DERî û ferdê keyeyî beşdarê merasîmî bîyî. Cenaze binê ablûqaya polîsan de goristanê dewe de ameye nimitiş. 

 

Mêrsîn  

 

Endamê HPGyî Şakîr Erdemcî zî 18ê hezîrane de şerê koyê Mawa yê qezaya Heskîfî ya Êlihî de dinyaya xo bedelnabî. Keyeyî vizêr cenazeya lajê xo teşhîs kerd û Nêweşxaneyê Perwerdeyî û Cigêrayîşî yê Êlihî ra girewt û berdî Mêrsîn. Cenaze binê ablûqaya polîsan de ameye definkerdiş. Tenê destûrê 4 ferdê keyeyî ame dayîş ke beşdarê merasîmî bibê. Cenaze binê ablûqa de Goristanê Guneykentî yê qezaya Toroslarî ya Mêrsînî de ameye definkerdiş.