Oznûr Deger

 

MÊRDÎN - Nisêbîn de hetê muftîyê qezaye ra bi butçeyêk 70 mîlyonî dest bi viraştişê ‘Kursê Quranî yê Hafizîyê Kênayan’ ame kerdiş. Cayê kursî cayêk ke cayê roniştişî ra dûr yeno viraştiş û seba viraştişê cayê Kursê Quranî muftîyî IBAN pare kerd û bexş waşt.

 

‘Do neslêk ke xizmet dano welat bêro resnayîş’ 

 

Muftiyê Nisêbînî Hasan Yeşîldalî, merasîmê ronayîşê esasê cayê kursî de 23ê Gulane de qisey kerd û îfadeyê ci yê sey ‘No destpêkêk o û dimayê nê do tewr xurt bo’ balkêş bî. Semedê projeyê 70 mîlyon lîra wina vatibi: “No projeyê ma amanc kerd ke ciwanî goreyê ercê dînî û netewî biresê. Ciwanê ke Quranê pîrozî ezber kenê û îlmê dînî bimusê, hetê ahlaqî û manewî de do xurt bê. Sewbîna do neslûk ke komel û welatî rê xizmet bikero bireso.” Muftî bi nê vatişan bale antibi serê polîtîkayê şer û asîmîlyonî.

 

Nisêbînîjî do tutanê xo nêşirawê uca

 

Welatijê qeza derheqê kursê ke cayê roniştişî ra dûrî yo de wina vatî: “Do kes tutanê xo nêşirawo. Ma tutanê xo nêşirawenê uca. Tu kes do tutanê xo nêşirawo cayêk wina dûr. Keyeyê her kesî tîya est o.  Belkî teber ra tutan bîyarê tîya. Lazimî çîyêk winasî çinbî.”

 

Muftî semedê kursî pere şarî ra waşt 

 

Heto bîn ra ame zanayîş ke semedê kurso ke di hewte verê bingehê ci ameyo ronayîş, muftî serê hesabê çapemenîya dijîtal û xeylêk bajaran de afîş daliqnayo û IBAN pare kerdo. Semedê viraştişê înşatî şarî ra bi hesabê ‘Komeleya Viraştişê Kursê Quranî û Ciwîyayîşî yê Nisêbînî’ pere waşto.

 

Projeyê 70 mîlyonî

 

Goreyê projeyê 65-70 mîyon lîrayê muftî, yew awanîya ke esasê ci ameyo ronayîş, do sey Kursê Quranî bêro şuxilnayîş û awanîya bîn ya verê ci de yena viraştiş zî do sey yurdê wendekaran yê 105 odayî bêro şuxilnayîş.