MERKEZÊ XEBERAN - Kurd û dostê înan do hemverê tecrîdê serê Rayberê PKKyî Abdullah Ocalanî de siba verê CPTyî de eşkerayîyêke girseyî bidê. 

 

Tecrîdê mûtleq ê hemverê Rayberê PKKyî Abdûllah Ocalanî yê Zîndanê Tîpê Fyê Asayîşê Berzî yê Îmraliyî de yeno tepiştiş, 39 aşmî yo bêmabên dewam keno. Çalakî û aktîvîteyê çarçewaya kampanyaya “Abdullah Ocalanî rê azadî, meseleya kurdî rê çareserî” ke seba wedaritişê tecrîdê serê Abdullah Ocalanî û azadîya ey yê fizîkî ameyê destpêkerdiş, dewam kenê. Na çarçewa de do siba “Nobeta Azadîye” yê 12 serrî yo verê Komîteya Vernîgirewtişê Îşkenceyî yê Ewropayî (CPT) dewam kena, waştişî bêrê kerdiş.

 

Kurdî û dostê înan do verê merkezê CPTyî yê bajarê Strasbourgî yê Fransayî bêrê têhet û CPTyî ra biwazê ke hemverê tecrîdî game bêro eştiş. Do sazgehê ke yê têkildarî bêro waştiş ke semedê azadîya fizîkî ya Ocalanî gamê lazimî bêrê eştiş.