Memîhan Zeydan

 

WAN - Cinîyê ke derheqê mîtîngê Amedî de venga tewrbîyayîşî kerdî û vatî: “Ma 13ê teşrîna verêne de venga her kesî kenê ke tewrê mîtîngê Amedî bibê. Ma ver bi azadîya xo rayîr ra şêrê û wayîrê azadîya xo vejîyê.”

 

Amed de 13ê teşrîna verêne de bi sloganê "Ma hemverê komployî xo ver danê, seba azadîye Amed de yenê têhet" do mîtîng pê bêro. Mîtîng rê demêk kilm mend û xebatî lez û bez dewam kenê.

 

Cinîyan Wan de seba mîtîngê 13ê teşrîna verêne ercnayîş kerdî û venga tewrbîyayîşî kerdî.

 

‘Ma wayîrê azadîya xo vejîyê’

 

Hemsereka DEM partîya Altindagê Anqarayî Guler Aydin da zanayîş ke komployê 9ê teşrîna verêne tena hemverê Rayberê PKKyî Abdullah Ocalanî nêgînê dest û wina vat: “Şexsê serekî de komplo hemverê pêro şarê kurdî de pê ameya. Na çerçawa de ercnayîş rast o. Nê semedî ra zî tecrîd hemverê îradeyê şarê kurdî yo. Hemverê îradeyê hêriş û xesp est o. Nê semedî ra zî têkoşînê serekî ganî sey têkoşînê şarê kurdî bêro wendiş. Ganî pêro dinya bibo vengê nê têkoşînî.”

 

‘Ma do 13ê teşrîna verêne de meydanan de bê’

 

Hemsereka komeleya Hetkarîya Kesê Merdimanê Xo Derguşê Şaristanî de Vînî Kerdê (MEBYA-DER) Hanim Kaya zî dîyar kerd ke Rojhelata Mîyanên de şer est o û wina vat: “Seba fikrê Rayberê PKKyî bêrê astengkerdiş komplo dewam keno. Ma do seba azadîya fîzîkî ya Abdullah Ocalanî 13ê teşrîna verêne Amed de bê. Ma pêro kesî dawet kenê.”

 

Hemsereka DEM Partî ya Bêgiriyê Wanî Hanim Sezen zî derheqê mîtîngê 13ê teşrîna verêne ke do Amed de pê bêro veng da û dîyar kerd ke ê do 13ê teşrîna verêne de hemverê tecrîdî de bibê veng.