AMED - Bernameyê “Mitîngê Azadîye” ke do 13ê teşrîna verêne de Meydanê Îstasyonî yê Amedî de bêro kerdiş, dîyar bî. 

 

Bernameyê mîtîngê ke do serkêşîya Platformê Sazgehê Demokratîke, bi sloganê “Ma hemverê komployî xo ver bifê, seba azadîye Amed de yenê têhet” 13ê teşrîna verêne de Amed de bêro organîzekerdiş, dîyar bî. Qonaxê diyîn ê kampanyaya “Abdullah Ocalanî rê Azadî, meseleya kurdî rê çareserîya demokratîke” ke 10ê teşrîna verêne 2023ine de 74 welatê dinya de ame destpêkerdiş, do bi “Mitîngê Azadîye” yê bi beşdarîya se hezaran pê bêro, dest pêkerd.

 

Yê ke qisey bikerê

 

Nameyê qiseykerdoxan û hunermendê ke do seba Mitîngê Azadîye ke saete 13.00ine de Meydanê Îstasyonî de dest pêbikero û vejîyê sehne ser zelal bî. Mîtîng de Hemsereka Pêroyî ya Partîya Herêmê Demokratîke (DBP) Çîgdem Kiliçgun Ûçar û Hemserekê Pêroyî yê Partîya Têduştî û Demokrasî (DEM Partî) Tûncer Bakirhan û Buroyê Huqûqî yê Asrinî ra Rêzan Sarica sey qiseykerdox beşdar bibê. 

 

Komê ke vejîyê sehne ser 

 

Bajar û Sorjiyan do mitîng de vejîyê sehne ser û deyîranê xo vajê.