Dîlan Babat

 

MÊRDÎN - Derheqê Rojnamegere Oznûr Deger ke 7ê sibate de Mêrdîn de bi kuyayîş destbend bî û badê ameye tepiştiş, îdianame ame amadekerdiş. Parekerdişê medyaya dijîtale, xeberê ke viraştê û fotografê birayê aye ke ame qetilkerdiş, îdianame de sey sûc ame bicakerdiş. 

 

Derheqê Mudira JINNEWS'î Oznur Deger de îdianame ame amadekerdiş. îdianameyo ke ame amadekerdiş de derheqê 21 parekerdişê cîya yê Oznur Degere mabêne serranê 2021-2025ine de hesabê xo yê medyaya dîjîtale X (twitter) de îdianame ameyo amadekeediş. 

 

Pêwa xeberê ke viraştê û parekerdişê medyaya dijîtale, sewbîna fotografê Abdulselam Deger (Kendal Qoser) ke mabêne serra 2015-2016ine de wextê qedexeyê tebervejîyayîşê Nisêbînî de dinyaya xo bedelnaye û heta nika cenazeya ey nêameya teslîmkerdiş û eynî wextî de birayê Oznûr Deger zî ame sûcdarkerdiş. Oznur Deger zî bi parekerdişê xebera Musur Aslan ke wextê qedexeyê tebervejîyayîşê Nisêbînî de dinyaya xo bedelnaye, ame sûcdarkerdiş. Eynî wextî de xeberê derheqê esteyê Bahar Goktekîn ke Nisêbîn de wextê qedexeyê tebervejîyayîşî de dinyaya xo bedelnaye û badê 7 serran teslîmê keyeyê ame kerdiş zî bî babeta sucî.

 

Reaksîyonê Oznûr Degere yê hemverê vatişê cinsperestî yê polîsan ê merasîmê sersaxî yê rojnameger Nazîm Daşdan û Cîhan Bîlgîn yê ameyî qetilkerdiş de qezaya Mîdyatî ame kerdiş de sey bahane ame mojnayîş. Muracatê sûcî yê Oznur Deger û cipersayîşo ke derheqê aye de ame akerdiş, îdianame de ca girewt. 

 

Îdianameyê dozgerî de; îdîa kerd ke nuşteyê Oznur Degere "sînorê azadîya fehmî derbaz kerdê" û fotograf û dîmenê ke xeberan dir ameyê parekerdiş sey "hewldayîşêk semedê meşrûkerdişê PKKyî" ercna. Serdozgerîye dîyar kerd ke wezîfeyê Oznur Degere tarîxê cîya de ameyê reynakerdiş, dîyar kerd ke ganî Oznur Degere ser o zî qanûnê "sûcê domdar" bêrê caardiş.

 

Roniştişê ewilî yê dewa do 22yê Gulane de bêro kerdiş.