Pelşîn Çetînkaya-Rojda Aydin

 

AMED - Cinîyê ke tewrê Newroza Amedî ya 2025ine ke tarîx de rêçêk muhîm verda, vengdayîşê Rayberê Şarê Kurdî Abdullah Ocalanî ser o dîyar kerdî ke aştî bi yew hetî nêbeno û venga îqtîdarî kerdî ke gamê somutan bierzo.

 

Bi serkêşîya Têgêrayîşê Cinîyanê Azadan (TJA), Partîya Heremanê Demokratîke (DBP) û Partîya Têduştî û Demokrasî (DEM Partî) 21ê Adare de bi şîarê "Rayberîya Azad Komelê Demokratîkî" pîrozbayîyê Newroze ame kerdiş. Parqê Newroze yê qezaya Rezanî de Newroza ke amî pîrozkerdiş, fotografê Rayberê Şarê Kurdî Abdullah Ocalanî ca girewt û yew mesaj ame dayîş. 

 

 

Îqtîdar gaman nêerzeno

 

27ê Sibate de Abdullah Ocalan ke "Vengdayîşê Aştî û Komelêk Demokratîkî" kerd şarê kurdî û pêro şarê bînî kewtî prosesêk newe. Badê vengdayîşî wayîrvejîyayîşêk pîl virazîya û xeylêk cayî paştdayîşê vengdayîşî kerd, la îqtîdar hema gamêke pozîtîf nêeşto.

 

 

Semedê îqtîdarî vengdayîş: Game bierzê

 

Cinîyê ke tewrê Newroza Amedî bîyî, dîtar kerdî je ê paştdayîşê nê vengdayîşî kenê û vatî nê vengdayîşî dir Kurdistan de do prosesêk newe dest pêbikero. Cinîyan dîyar kerd ke bi se serre yo ke ê waştişê azadî û aştî kenê. Cinîyan vat, Abdullah Ocalan semedê prosesî game eşt a labelê îqtîdarî game nêeşta û veng dayî ke çareserî tena yew hetî nîya, ganî ê zî gamanê somutî bierzê. Sewbîna cinîyan da zanayîş ke bawerîya înan bi îqtîdarî nîna, la heta peynî do têkoşînê xo dewam bikerê.