AMED - Endama meclîsê şaredarîye ya Erxenî ya verê Ceylan Aslan bi îdiayê "Endamîya rêxistine" 7 serrî û 6 aşmî û bi îdiayê "Hemverê Qanûnê Kombîyayîş û Protestoyan ê Hûmara 2911" 6 aşmî cezaya hepsî da.

 

Roniştişê qerarî yê dewaya endama Meclîsê Şaredarîya Erxenî ya verê Ceylan Aslan ke hetê Wezîrê Karê Zereyî ra wezîfe ra amî girewtiş, semedo ke derheqê grevê vêşanîye yê hetê Hemsereka Kongeraya Komelê Demokratîkî (KCD) Leyla Guven ra amebî destpêkerdiş de eşkerayîye da, bi îdayê "Emdamîya rêxistine" û bi îdayê "Hemverê Qanûnê Kombîyayîş û Protestoyan ê Hûmara 2911" vejîyaya, amebî akerdiş, 11ine Dadgeha Cezaya Giran ya Amedî de ame vînayîş. Ceylan Aslan tewrê roniştişî nêbî la avûkata aye Seda Zengîn roniştiş de hazir bî. 

 

Ceza amebî waştiş

 

Dozgerî mutalayê xo yê roniştişê peyîn de pêşkêş kerdibî, ancî kerd û waşt Ceylan Aslan bêro cezakerdiş. 

 

Badê cû heyetê dadgehe qerarê xo eşkera kerd û Ceylan Aslan bi îdiayê "Endama rêxistine" 7 serrî û 6 aşmî û bi îdiayê "Hemverê Qanûnê Kombîyayîş û Protestoyî yê bi hûmara 2911ine" vejîyaya 6 aşmî cezaya zîndanî birna û ceza kêm nêkerd.