STENBOL- Bi seyan nuştox, akademîsyen, sîyasetmedar û zerrîwazanê komelê sivîlî derheqê tehqîqatanê vera ÎBB’yî eşkerayîyêka hempare daye û seba îtîfaqê demokrasîyî veng da.

 

337 nuştox, akademîsyen, sîyasetmedar û zerrîwazanê komelê sivîlî derheqê tehqîqatanê vera Şaredarîya Stenbolî (ÎBB) eşkerayîyêka hempare daye û seba îtîfaqê demokrasîyî veng da.

 

Eşkerayîye de wina ame vatene: “Ma sey hemwelatîyan nê prosesî ra qerqilîyenê ke Şaredarê Stenbolî û embazê ci yê karî tepişîyayê. Ma wina bawer kenê ke ganî kerdişê îqtîdarî yê vera aştî, demokrasî, azadî û heqanê merdiman bêrê vindarnayene. Ma vînenê ke no feraset seba bêvengkerdişê komelî mehkemeyan şuxilneno.

 

Ma wina pare kenê ke ma pêro hêzanê demokrasîyî reyde yê ke vera nê kerdişan vanê ‘Êdî bes o!’ Ma venga beşanê komelî yê terefgîranê aştî, demokrasî, huqûq, edaletî danê ke îtîfaqê demokrasîyî de bibê yew.”