MERKEZÊ XEBERAN- Kombîyayîşê yewin ê Meclîsê Cinîyanê Sûrîye yê Efrînî de beşdaran serê "Aştîya sivîl" nêrîn û pêşnîyazîyê xo ard ziwan.

 

Meclîsê Cinîyan ê Sûrîye reya yewine kombîyayîşê xo bajarê Efrînî ke binê îşxalkerdişê dewleta tirkan û çeteyê ci de yo, organîze kerd. No kombîyayîş bi sernameyê "Aştîya sivîlî" û bi beşdarîya 40 cinîyê bajarê Efrînî, çalakîkerê sivîlî, cinîyê xoser û temsîlkarê rêxistinê komelê sivîl pê ame.  

 

Kombîyayîş bi qalkerdişê caardişê aştîya sivîl ê prosesê ke Sûriye badê rijnayîşê rêjîmê Baasî ra derbaz benê de. Sewbîna muhîmîyê bidestkerdişê hemkarî û resnayîşî yê mabêne kesan de, ame munaqeşekerdiş. 

 

Îdarekara Ofîsa Helebî ya Meclîsê Cinîyan Sûrîye Bêrîvan Horo wina vat: "Organîzekerdişê nê kombîyayîşê mîyanê nê geşedan û proseso ke Sûriye ci ra derbaz benê de, gamêke muhîm a. No kombîyayîş semedê bihêzkerdişê cinîyan ê wareyê ekonomî, sîyasî û komelî de semedê bidestkerdişê Sûrîyêke demokratîk o. Lazimîyê cinîyan bi nasnayîşê Meclîsê Cinîyanê Sûrîye û amancê ci yê pawitişê heqê cinîyan estbî. Aştîya sivîlî zî bi hawayêko bi tesîr beşdarê awankerdişê nasnameyê neteweyî yê hîra beno."

 

Badê qiseykerdişê beşdaran bi hawayêko azad ewnîyayîş û îfadeyê xo yê derheqê caardişê aştîya sivîlî û averşîyayîşê rolê cinîyan yê komelî de, ardî ziwan.