ANQARA - Meclîsê Cinîyan ê DEM Partîye derheqê zextê polîsan û muhakemeyê ke çalakî de bi rojan o dewam kenê de eşkerayîyêke da.

 

Meclîsê Cinîyan ê Partîya Têduştî û Demokrasî (DEM partî) derheqê zextê polîs û hukmî yê çalakîyê protestoyî yê bi rojan o dewam keno de eşkerayîyêke da. Eşkerayîya nuşteyî de ame dîyarkerdiş ke cinîyê ciwanî yê kuçeyan de heqê xo yê demokratîke pawenê, rastî binpaykerdişê heqan yê sey şîdet, tacîz û cigêrayîşê zitî hetê hêzê huqûqê ra ameyê.

 

Eşkerayîye de ame dîyarkerdiş ke şîdetê polîsan nîşaneyê polîtîkayê îqtîdarê camêrd û cinsperestî yo û ame vatiş ke têkoşînê cinîyan ê semedê têduştî û azadî bi tu hawayî bi zext, destbendkerdiş û şîdetî nîno pûçkerdiş.

 

Nê çî ame vatiş: "Şima do nêeşkê bi zext, şîdet û destbendkerdişê têkoşînê ciwanî û cinîyê ciwanî yê semedê demokrasî, têduştî û azadî bitepisinê. Şîdetê hemverê cinîyê ciwanan, hedefgirewtişê bedenê cinîyan nîşaneyê huqûqê dişminî yê hemverê cinîyan o. Ganî cinîyê ke destbendkerde yê serbest bêrê veradayîş.