Derya Ren

 

RIHA - Hemsereka TEV-DEM’î Remziya Mihemed, Konferansê Cinîyanê Kurdan ke demê peyîn de pê ame ercna, bale ant serê yewîya cinîyan û dîyar kerd ke xebatê înan yê semedê Konferansê Cinîyanê Kurdan ê Neteweyî dewam kenê.

 

Serkêşîya cinîyan ê kurdan ê Rojawanî de tewr peyîn 1ine Konferansê Cinîyanê Kurdan bi sloganê “Yewîya Neteweyî ya Kurdî bi serkêşîya Cinîyanê Kurdan pê yeno” ame organîzekerdiş. Konferanso ke 300 delege tewr bî de cinîyan bale antî serê muhîmîyê yewîya neteweyî, peynîya konferansî de netîcenameyê konferansî yê 11 maddeyan pê yeno ame weşanayîş.

 

Hemsereka Têgêrayîşê Komelê Demokratîkî (TEV-DEM) Remziya Mihemedî derheqê konferansî û netîcenameya konferansî JINNEWS’î rê ercna.

 

Girîngîyê yewîya cinîyan

 

Remziya Mihemed bale ant serê girîngîyê organîzekerdişê 1ine Konferansê Cinîyanê Kurdan û va, "Cinî hem hemverê rejîmî hem zî hemverê  feodalîzmî têkoşîn kenê. Eynî wextî de cinî bi rolêk û berpirsyarîyêk pîlî beşdarê prosesê şorişî bîyî. Her problemê komelî de cinî bi tesîr benê. Nê semedî ra her kongre û konferansêk ke hetê cinîyan ra yeno organîzekerdiş, wayîrê muhîmîyêk pîl o. Bi yewîya cinîyan do cinî xebatanê xo hîna hîra bikerê.”

 

‘Cinîyan mohrê xo da tarîx ro’

 

Remziya Mihemed dewam de wina va, "Ma sey Îdareyê Xoserî têkoşîn kenê ke bi hawayêk demokratîk xo îdare bikerê. Ma çîyêk baş nêdî ke hukmatê demkî yê Şamî heta nika semedê şaran kerdo. Ma qirkerdişê ke newe ra ameyê kerdiş vînenê. Destûrê bingehîn ê neweyî de qet semedê cinîyan çîyêk çin o. Nê semedî ra wezîfeyêk pîl keweno milê cinîyan ser. Bi Îdarekarîya Xoserî ame vînayîş ke pêro wareyê cuye de ca bigîrê. Sîstemêk semedê hêzê pawitişê cinî ameyo awankerdiş û no sîstem eşkeno pêro dinya rê bibo nimûne.”

 

Felsefeya 'Jin jiyan azadî'

 

Remziya Mihemed felsefeya; Jin jiyan azadî ard vîr û va: “Hemverê îdareyê Xoserî xeylêk hêrişê rejîmê Baasî pê ameyî. Xoresnayîşê cinîyan de zî problemê ma est bî. La rewşa yewgirewtişî û birêxistinkerdişî yê cinîyan, têkoşînê cinîyan hîna zêdeyêr xurt kerd. Sey cinîyê Vakur û Rojhelatê Sûrîye ma têkoşînê cinî kenê, ma hazir ê ke tecrûbeyê xo û felsefeya 'Jin jiyan azadî' pêro cinîyanê Sûriye dir pare bikerê. Semedo ke ewro sloganê, 'Jin jiyan azadî' warê azadîya cinî de dinya rê nimûne ya. Eke cinî goreyê na felsefe xo bi rêxistin bikero, do rayîr xeylêk averşîyayîşan abikero.”

 

'Cinî serkêşîya şorişî kenê'

 

Remziya Mihemed tewr peyîn wina va, "Yew qerarêk ma konferans de girewt, organîzekerdişê Konferansê Cinîyanê Kurdan ê Neteweyî yê demê bêro de yo. Na xebata ke ma do bikerê, şorişê cinî de wayîrê cayêk muhîmî yê. Têkoşînê cinîyan pozîsyonê serkêşîya şorişî de vindeno. Xebatê cinîyan her tim yew bingehê xebatê komelî yo."