MERKEZÊ XEBERAN - Aktîvîsta sîyasî Şehnaz Taberî, bi îdîayê “propagandaya hemverê rejîmî” de destbend bî û tepişya.

 

Bajarê Reştî yê Îranî de aktîvîsta sîyasî Şehnaz Taberî (60), bi îdîayê "propagandayê hemverê rejîmî” hetê polîsanê Îranî ra destbend bî. Şehnaz Taberî, badê kerdişan tepişya û berdîya zîndanê Lakanî.

 

Ame zanayîş ke demê sereştişê keyeyê Şehnaz Taberî de dest dayî hacetê elektronîk yê Şehnaz Taberî û kênaya aye. Şehnaz Taberî ke verê zî bi nê sucdarîyan amebî destbendkerdiş û tepiştiş, ame dîyarkerdiş ke qismêk cezaya xo keye de bi kelepçeyê elektronîkî derbaz kerda.

 

Şehnaz Taberî nika zîndanê Lakanî de hucreya karantîna de yena tepiştiş. Derheqê aye de zî hema zanayîşêk nêame girewtiş.