ÎZMÎR - Rêxistina DEM Partîye ya Îzmîrî semedê tewrbîyayîşî pîrozbayîyê 1ê Gulane Roşanê Karkeran venga tewrbîyayîşî kerd. 

 

Rêxistina DEEM Partîye ya Îzmîrî derheqê xebatanê 1ê Gulane Roşanê Karkeran awanîya xo ya Konakî de eşkerayîye da. Eşkerayî de pankartê “semedê azadîya kede û komelê demokratîkî ma şêrê 1ê Gulane” ame wedaritiş. Sewbîna sloganê “Bicîwîyo 1ê Gulane” ame berzkerdiş. Hemsereka DEM Partî ya Îzmîrî Fulya Erdogan, dîyar kerd ke ê do bi cesaretê 8ê Adare û bi coşê Newroze biherikîyê wareyê 1ê Gulane. 

 

Fulya Erdogan, dîyar kerd ke rejîmê otorîter û zextker yê kapîtalîzmî awan kerdê, semedê berjewendîyê xo dinya rayîr ra benê. Fulya Erdogan, va ke tewr zêde cinî, tutî, xoza û kedkarş benê mexdûrê şeran. Fulya Erdogan, dewam de dîyar kerd ke ê demêk krîzê ekolojîk, ekonomî û sîyasî dewam kenê de ver bi 1ê Gulane. 

 

Fulya Erdogan, bale ant serê vengdayîşê tarîxî yê Rayberê Şarê Kurdî Abdullah Ocalanî û va ke babeta awankerdişê komelê demokratîke de berpirsyarîyêk pîl keno serê milê sinifa karkerî, kedkar û bindestan. Fulya Erdogan, va ke hemverê sîstemê kedwarî de razî nîyê û va: “Komelêk û welatekî adilane, aştiyane û demokratîke bi paştdayîşê enternasyonalî û şorişgêrî mumkin o.”

 

Fulya Erdogan va ke ê do bi cesaretê 8ê Adare û bi coş û hêvîya Newroze wareyê 1ê Gulane de bê û vengdayîşê tewrbîyayîşê her kesî kerd.