MERKEZÊ XEBERAN - Rêxistinê Komelê Demokratîkî yê Kantonê Reqayî wesîleya 1ê Gulane cinîyanê karkeran pîroz kerd.

 

Rêxistinê Komelê Demokratîkî yê Kantonê Reqayî bi wesîleya 1ê Gulane Roja Karkeran, cinîyê karkeran xelat kerd. 

 

Parkê Şaredarîya Reqayî, Parka Cinîyan û taxa Mucemai yê Reqayî de dîyarî pêşkêşê cinîyanê karkeran ame kerdiş.

 

Hemsereka Rêxistinê Komelê Demokratîkî yê Reqayî Muna Nesan derheqê babete de qisey kerd û va: “Ma Rêxistinê Komelê Demokratîkî bi hemkarîya Yewîya Kedkaran, ma bi wesîleya 1ê Gulane hemleyêk da destpêkerdiş. Hemle bi eşkerayîya Yewîya Kedkaran dest pêkerd. Na çarçewa de ewro ça bi hemkarîya Daîreyê Parkan û Daîreyê Pakitî cinîyanê karkeran cayê înan de pîroz kenê û rolê înan pêşwazî kenê.”